Teeli
Teeli tɛtʋ wɛna Ɛndɩ ɛjaɖɛ nɛ hayʋ kiŋ nɛ tɛtʋ ndʋ tɩ-taa kɛ Ɛndɩ ɛjaɖɛ taa tɛtʋ sɔsɔtʋ ndʋ payaɣ-tʋ se Nɛw Teeli yɔ tɩwɛ. Tɛtʋ tʋnɛ tɩwɛ Yumana poo nɔɔyɔɔ nɛ peeɖe kiŋ habɩyɛ sɔsɔyɛ nɖɩ patɩŋgʋna-ɖɩ nɛ powoki ɖenɖe payaɣ se Kanzɩ tɛtʋ taa nɛ payakɩ kɩyakʋ.
![](http://upload.wikimedia.org/wikipedia/commons/thumb/e/e4/Jama_Masjid.jpg/220px-Jama_Masjid.jpg)
![](http://upload.wikimedia.org/wikipedia/commons/thumb/e/e4/Smog_in_Dehli_edited.jpg/220px-Smog_in_Dehli_edited.jpg)
Ɖooo lɛ Pritaniki ɛjaɖɛ kakpacayaɣna tɛtʋ tʋnɛ. Mba kpaɣna tɛtʋ tʋnɛ nɛ papɩsɩ-tʋ tɛtʋ sɔsɔtʋ ndʋ tɩwɛna tɩ-kewiyaɣ nɛ tɩ-taa Ɛndɩ ɛjaɖɛ taa paɣtʋ lɩzɩyaa kpelaɣ wɛɛ yɔ. Pɛtɛyɩ Teeli tɛtʋ kɛ kɛ tɔm kagbanzɩ (5) taa nɛ pɩnaɣ 2015 taa pakalɩ ɛyaa kɛ tɛtʋ ndʋ tɩ-taa lɛ, pɛkpɛnda ɛyaa miliyɔɔnaa nɛɛlɛ nɛ kagbanzɩ (25). Mbʋ yebina nɛ tɛtʋ tʋnɛ tɩkɛna keteŋa kpeekpe taa tɛtʋ ndʋ kagbanzɩ ñɩndʋ kɛ ndʋ tɩ-taa ɛyaa kɩla ɖɔʋ yɔ.
![](http://upload.wikimedia.org/wikipedia/commons/thumb/8/8e/Delhi_main_bazaar.jpg/220px-Delhi_main_bazaar.jpg)
Ɛzɩ tɛtʋ sɔsɔtʋ lɛɛtʋ ɖɔɖɔ yɔ, Teeli tɛtʋ nɛ ajɛya lɛɛna taa tɛtʋ ɖʋ taabalɩyɛ nɛ palakɩ tʋm kʋɖʋma se tɔsʋʋ nɛ ɛsɩnda wobu ɛɖɛɛna poliŋ. Tɛtʋ ndʋ yɔ: Sikaago (Etazuni), Kuwala Lumpuri (Malɛɛzii), Lɔndri (Kewiyaɣ Kɩkpɛndaɣ), Mɔsiku (Ruusii), Sɛɛpetɛrɩsbuuri, (Ruusii), Sewuli (Koree nɛ hadɛ kiŋ), Tokiyo(Sapɔŋ), Ulani-Patɔrɩ (Mɔŋgoli). Tɛtʋ tʋnɛ tɩwayɩ lɛ, Teeli tɛtʋ nɛ ajɛya lɛɛna taa tɛtʋ natʋyʋ ɖʋ taabalɩyɛ nɛ palakɩ tʋma ɖɔɖɔ. Tɛtʋ ndʋ tɩ-taa kɔyɔ: Paari (Fransɩ), Erefani (Armeni) nɛ Fukuwaka (Sapoŋ).
![](http://upload.wikimedia.org/wikipedia/commons/thumb/f/f5/DelhiMetro.jpg/220px-DelhiMetro.jpg)