'Payɛ

Payɛ kɛna ɛyʊ tomnaɣ cɔzʊ kpɛɛ kpɛɛ nɛ tam taa lɛ pɩkɛna ɖɔnɛ kʊɖʊmɖɛ. Ɛyʊ paɣʊ yɔ, pamakɩ soo yaa cɩmɩŋ nɛ pizetiɣ-ɩ nɛ pɔcɔ ɛpaɣzɩ paʊ. Paʊ kɛna ɖɔɖɔ wɛyʊ ndʊ tɩwɩlʊ se ɛyʊ taa wɛ leleŋ yɔ yaa pɩpɩzʊ pɩkɛna lakayaɣ ŋga ɛyʊ wɩlʊna sɔnzɩ nasɩyɛ yɔ. Patʊ wɛ ndɩ ndɩ nɛ paa patʊ ndʊ lɛ tɩna tʊ-tɔbʊ. Patʊ natʊyʊ lɛ, pɛkɛna ɛyʊ tomnaɣ taa hayɩsʊ mbʊ pʊyɔɔ ɛyʊ ciidu ɛ-tɔmnaɣ tɩŋgɛ se ɛ-toma ɛwɛɛ alaafɩya tam nɛ naayɛ wɛɛ lɛ, poluba-yɛ kulubu nɛ naayɛ lɛ, nɔɔyʊ pamaazʊ. Paa sɔnzɩ nzɩ sɩ-taa, patʊ wɛ nɛ sɔnzɩ nzi lɛ sɩna sɩ-payɛ.

Kabɩyɛ taa ɖɔɖɔ lɛ soo paʊ wɛɛ nɛ papaɣ-tʊ alɩwaatʊ ndʊ ɛyʊ akpadɩyʊ sɩkɩ yɔ. E-ɖipinɖeyɔɔ nɛ alɩwaatʊ ndʊ paalakɩ ɛ-lɛɣ yɔ. E-ɖipinɖe yɔɔ soo wena pamakɩ yɔ, lɛɣ yɔɔ pɩtɛkɛ kʊɖʊma anaa pamakɩ. Ɖɔɖɔ lɛ habɩyɛ soo wɛɛ, waaɣ soo wɛɛ, pɩtasɩ lɛ maɣlɛ patʊ wɛɛ. Patʊ ndʊ lɛ tɩkɛna laaza taa mbʊ payaɣ se kɔndɔtʊ yɔ. Patʊ ndʊ paɖʊ akpenu yɔ, payaɣ-tʊ se cɩmʊʊ. Patʊ tɩŋga taa lɛ, yee ɛkɔm ɛpaɣna kɔyɔ ɛɛsɩŋ camɩyɛ nɛ pɔtɔŋ se eyotu kuyotu.

Patʊ lɩʊ yɔ pɩtɛkɛ sɔnɔ. Tɩlɩ ɖooo caanaʊ taa. Ɛlɛ tɩɩwɛna tɔbɩŋ ndɩ ndɩ. Kacalaɣ lɛ, papawaɣ se pɔɖɔɔnɩ kʊdɔŋ nakʊyʊ yaa kigiluu nakʊyʊ. Tʊtʊ wayɩ lɛ, papawaɣ se pɩha yaa pɩwɩlɩ ɛyʊ abalɩtʊ. Patʊ ndʊ tɩ-taa kɔyɔ lakʊ patʊ. Papawaɣ ɖɔɖɔ se pɩkɛdɩna agɔlɔma yaa sɩwaa sɔsɔɣa nabayɩ.