Ñɩɣlɩm pɛɛ

Ñɩɣlɩm pɛɛ kɛna pɛɛ wena atɔtɔyɩ yem yɔ. Pɩkɛna liidiye pɛɛ yaa pɛɛ wena awɛ mʊnʊ mʊnʊ yɔ. Ɖɔm nabʊyʊ wɛɛ nɛ payaɣ-pʊ se ɖɔm tataɣ pɩlɩɩna pɩ-wɛtʊ maɣmaɣ yɔɔ. Ɛlɛ pɩtɛkɛ pʊ-tɔm pɔyɔɔdʊ cɩnɛ. Pɩkɛna pɛɛ wena añɩlɩzʊ pelu pelu yɔ. Awɛ ɛzɩ añɩnɩŋ yɔ nɛ aɖeu miŋ tɛlʊ tɛlʊ. Ñɩɣlɩm pɛɛ anɛ akɛna ɛzɩ acana yaa keɖeya pʊyʊ yɔ. Payaʊ se liidiye yaa ñɩɣlɩm pɛɛ yɔ, pɩlɩna a-keɖewa maɣmaɣ yɔɔ nɛ pʊcɔ nɛ payaa nabʊyʊ kɛ mbʊ lɛ, pʊpɔzʊ se pɩwɛɛna kacʊka camɩyɛ nɛ kɔ-tɔnʊʊ ɛñɩlɩzʊʊ ɖeu.

Ñɩɣlɩm pɛɛ yaa liidiye pɛɛ ana, a-taa kɔyɔ: kejisi, lɩm taa mukuuliŋ yaa ɖɔɖɔ pɔɔyasɩ nasɩyɛ. Pɩwɛɛ ɖɔɖɔ se pɩkɛna tatasɩ yaa pɔɔyɩŋ weyi ɩwɛ ɖoŋ kamaɣ fɛyɩ yɔ nɛ pʊ-yɔɔ ɛtaakayʊ yem yem alɩwaatʊ ndʊ paañɩnʊ se pahʊƴɩ-ɩ pɔŋ yaa paalakɩna nabʊyʊ yɔ. Paa tɛʊ ɛnɩɣna yaa nikaɣ ɛkpena ñɩɣlɩm pɛɛ anɛ kɔyɔ, aapʊkɩ yaa aamʊʊ kalɩkɔdaɣ. Pɩtasɩ ɖɔɖɔ lɛ, liidiye pɛɛ anɛ aaputuu yem nɛ ñɩɣlɩm pɩyɛ kʊɖʊmɖɩyɛ wɛna tomnasi ndɩ ndɩ nɛ pɩnaɣ ñɩlɩ ñɩlɩ ɛzɩ ɛsɩyɛ piye yɔ. . Ñɩɣlɩm pɛɛ anɛ, pɩtɛkɛ paa ɛba pasakɩna-ɛ ɛlɛ ñɩɣyʊ ŋgʊ pasakɩna liidiye pɛɛ yɔ, ŋgʊ pasakɩna-ɛ ɖɔɖɔ. A-tɛ keɖeɣa maɣmaɣ yɔɔ lɛ, palakɩ-ɛ nɛ kokoo, lɩtʊ, naŋgbacalanaa yaa ɖɔɖɔ sɔkasɩ. Pɛlɛʊ wondu ndʊ nee yɔɔ, liŋ tɛɛ, naŋgbaŋ yɔɔ yaa nesi ajɔɔ taa. Ñɩm tɩnaa yaa awiya nɛ abɩla kɩlɩɣna-ɛ lɛʊ. Ñɩɣlɩm pɛɛ anɛ apɩzʊ akɛ pɛɛ siŋŋ yaa ɖɔɖɔ papɩzʊ polubɩ-ɛ kulubu yem nɛ nesi. Ɛlɛ awɛʊ ɖɔɖɔ ɛzɩ wena potolu yɔ nɛ pɩwɛʊ kaɖɛ se tʊkaɣ ɛwɛɛ a-taa. Ñɩɣlɩm pɛɛ anɛ aɖɔ sakɩyɛ nɛ awɛna tomnasɩ nɛ sɛmɩŋ ndɩ ndɩ sakɩyɛ ɖɔɖɔ