Ñʊʊ kalʊʊ

Ñʊʊ kalitʊ kɛna mayaɣ ŋga pamaɣ nɛ pɩwɩlɩɣ nabʊyʊ ñʊʊ yɔ.Masɩ kpɛnda hiu nɛ nzɩ yɔ: 0123456789. Pama-sɩ palɩka yɔɔ. Yee pɩkɛ kabɩyɛ massi taa kɔyɔ, pamaɣ-sɩ se: kpɛɖɛ, kʊɖʊm, naalɛ, naatozo, naanza kagbanzɩ, looɖo, lʊbɛ, litoozo, nakʊ. Papɩzʊ pama ñʊʊ kɛ kɩ-taa keɖe yaa pakpɩtɩna lɛɛzɩ nɛ pɩwɩlɩ kaalɩtʊ ndʊ pɩlɩwa yɔ. Ñʊŋ wɛ sakɩyɛ. Papɩzʊ pɛkpɛndɩ ñʊŋ naalɛ nɛ pɛtɛyɩ ɩtaa nɛ tɩɖaʊ mayaɣ. Hiu hoye ñʊŋ wɛɛ pɩna hiuhoyewonduu. Alɩwatʊ ndʊ pama ñʊŋ nɛ hiu hoye tɛ tɛ ñʊʊ ŋgʊ kɩkɩli paɣlʊ yɔ, ŋgʊ lɛ ñʊʊ cɩkpelʊ. Ñʊŋ ɛɖɔɔ pɔtɔŋ se ñʊŋ wadaɣ yaa ñʊŋ wiii.

Panɩzɩna ɛzɩ pamaɣ se « 27 » kɔyɔ, panaɣ se nʊŋ naalɛ nɛ nʊʊ lʊbɛ kɛ pamana (2 nɛ 7) nɛ pakɩlɩ se « nɛɛlɛ nɛ lʊbɛ ». Ñʊʊ ŋgʊ kɩkɛna ñʊŋ nɛɛlɛ nɛ lubɛ ŋgʊ kɛ naɓʊyʊ ɖeɖe. Ɛzɩ pɔtɔŋʊ se kɔlaɣ fenaɣ nɛɛlɛ nɛ lʊbɛ yɔ, pɩkɛna kɔlaɣ fenaɣ ŋga kɛtɛ kɩyakɩŋ nɛɛlɛ nɛ lʊbɛ ŋgʊ.

Ɖooo kiɖe tɛɛ lɛ padɛkpɛndʊ masɩ naalɛ naalɛ ɛlɛ mayaɣ kʊɖʊmaɣ kʊɖʊmaɣ. Pɩtassɩ ɖɔɖɔ lɛ ɖaŋ kɛ pakalaɣ. Kabɩyɛ taa lɛ papɩzʊ pakalɩ kʊɖʊm kʊɖʊm, naalɛ naalɛ yaa waasɩ (kagbaanzɩ kagbaanzɩ). Naalɛ naalɛ kalɩʊ lɛ, pakalɩʊ se: piiye, naalɛ, nodozo, nanaza, naanʊwa nɛ pɩkpaɣ pɩɖɛɛ.