Ɔrgɩ

Ɔrgɩ kɛna cɩmʊ ŋgʊ pamakɩ-kʊ nɛ wondu lɩʊna heelim taa yɔ. Polukuu-kʊ yɔ pakpakʊ kɛŋgɛnaa yaa kɔɔkasɩ sakɩyɛ ndɩ ndɩ nɛ pɛkpɛndɩna wendu teu tɛlɛnzɩ cabɩ pɩtasɩna nesi ɖɩtamɩyɛ nɛ naŋgbanzɩ ɖɩmabɩyɛ poyozi nɛ polubu-kʊ. Ɔrgɩ kɛna ɖɔɖɔ wendu teu wonu ŋgʊ pamakɩ-kʊ nɛ kɩlɩzʊ witu ndɩ ndɩ yɔ. Ɔrgɩ naa nabayɩ wɛɛ ɛlɛ papa mabɩtʊ wɛna ndɩ mbʊ pʊyɔɔ yɔ pɩtɛkɛna nesi nɛ naŋgbanzɩ ɖeke pamakɩna-wɛ.

Nabʊyʊ taa lɛ peziduna hɩsɩ yaa ñɩɩtʊ ndʊ pataŋ tɩ-yɔɔ kɛ wendu ndɩ ndɩ ndʊ pɛtɛma teu yɔ ti-nimasi yɔ. Nabayɩ wɛɛ ɖɔɖɔ lɛ pɛtɛ tɛlɛnzɩ wala wandam wandam pɩkɩlɩ lɛɛna. Pɔcɔna siŋŋ kɔyɔ kacalaɣ ɔrgɩ lɛ Kirɛkɩ tɛtʊ taa-tʊ, Alexandrie, Ctésibios calɩna-kʊ lubu ɖooo pɩnzɩ mɩnɩŋ naatozo taa taa pʊcɔ palʊlʊʊ Yesu. Kacalaɣ ñɩŋgʊy ŋgʊ lɛ lɩm kɛ ɛɖʊwaɣ nɛ alɩwaatʊ ndʊ ɛma lɛ lɩm mbʊ piyeki nɛ pitilu camɩyɛ.

Tʊkaɣ ŋga kɛwɛ ɔrgɩ nɛ wendu teu wondu ndɩ ndɩ yɔ tɩɖɔwa mbʊ pʊyɔɔ yɔ, papɩzʊ polu ɔrgɩ nɛ kɩpaɣlɩ ɛzɩ kuduyu yɔ. Nimaɣ kɩmabaɣ ŋga kɛwɛna nimaɣ wayɩ yɔ kɩpɩzʊ katalɩ ɛzɩ mɛtana naalɛ nɛ cɛjɛsɩ lʊbɛ yɔ nɛ kɩwayɩ nɛ kɩ(taa ñabɩzʊ pɩtalɩ mɛtanaa lʊbɛ nɛ hɔɔlʊʊ yɔ. Ɔrgɩ ɖeke pɩzʊna kɩhɛzɩ wendu teyaa sɔsa laŋga mbʊ pʊyɔɔ yɔ kɩwɛ tɛlɛnzɩ pɩɖɛɛ; naalɛ yɔɔ nɛ sɩzʊ sɩtalɩ ɛzɩ lʊbɛ yɔ. Pɩtasɩ ɖɔɖɔ lɛ ɔrgɩ ɖekɛ kɛŋna ɖeɖe nɛ sɔnɔ tɛlɛŋga ŋga kɛwɛna nesɩ nɛ naŋgbanzɩ ɖɩmaɖɛ yɔ.