Azɛrbayɩjanɩ
Azɛrbayɩjanɩ kɛna hɔɔlʊʊ ŋgʊ payaɣ-kʊ se Kookaazɩ yɔ ɖɩ-taa ɛjaɖɛ naɖɩyɛ. Ɛjaɖɩ nɖɩ ɖɩwɛ ɖenɖe Erɔpʊ nɛ Azii pɛtɛyɩ-ɖama yɔ. Tɛtʊ ndʊ payaɣ-tʊ se Paaku yɔ, ndʊ kɛŋna ɛjaɖɛ ɖɩnɛ ɖi-taa tɛtʊ sɔsɔtʊ nɛ liidiya nɖɩ pɔtɔkjɩ-ɖɩ peeɖe yɔ payaɣ-ɖɩ se manatɩ.
Wɩsɩ ɖɩɖʊyɛ taa, ajɛya wena acɔ-ɖɩ nɛ ata yɔ anaa lɛ, Armenii nɛ Turki; hayu kiŋ nɛ wɩsɩ ɖɩɖʊyɛ taa lɛ, Zɔɔrzii ɛjaɖɛ wɛna. Yee pɩkɛ hayʊ kiŋ kɔyɔ, Rusi nɛ hadɛ kiŋ lɛ, Iiraŋ ɛjaɖɛ wɛna.
Kʊnʊŋ ŋgʊ pɔyɔɔdɩɣ komina tʊma taa nɛ pawɩlɩʊɣ sukulinaa taa yɔ, ŋgʊ lɛ azeri. Tɛtʊ tʊnɛ tɩ-walanzɩ taa maɣna ɛzɩ 86 600 km2 ɛlɛ ɖenɖe lɩm wɛɛ yɔ peeɖe takɩlɩ wqalɩɣ lɛ, paacazɩɣ natʊyʊ yɔɔdʊ. Hasɩ yaɖɛ fenaɣ taa pɩnaɣ 2017 taa pakala ɛyaa kɛ ɛjaɖɛ nɖɩ ɖɩ-taa lɛ, pɛkpɛnda ɛyaa 9 867 250.
Kɩyɛna fenaɣ 30 pɩnaɣ 1991 kɛ ɛjaɖɛ ɖɩnɛ ɖɩmʊ ɖɩ-tɩ yɔɔ wɛʊ nɛ ɛjaɖɛ ɖɩnɛ ɖɩ- ñʊʊdʊ kɩfalʊ weyi palɩza-ɩ yɔ, ɛnʊ payaɣ se Ilham Aliyev nɛ komina yɔɔ cɔnɩyʊ payaɣ se Artur Rasizada.