Cɩtɔɔ wɛ tam nabʋlɛ taa hayʋ wɛɛ nɛ pɔɔyaɣ ñɛwɛɛ ɖɔɖɔ. Pɔɔyasɩ wɛ ndɩ ndɩ ɖɔɖɔ.

Faɖam pɔɔyaɣ wɛɛ nɛ piyee pɔɔyaɣ ñɛwɛɛ. Piyee naalɛ pɔɔyaɣ wɛɛ nɛ canta pɔɔyaɣ ñɛwɛɛ. Nɩɩnʋwa pɔɔyaɣ wɛɛ nɛ mɩnʋʋ pɔɔyaɣ ñɛwɛɛ. Pʋ-wayɩ lɛ, taŋga pɔɔyaɣ wɛɛ.

Liidiye kɛna mbʊ Aristote yaɣ se: kɩgaʊ ñɩm kʊɖʊmɩm yɔ; tɔsʊʊ kpou nɛ palakɩna tʋmɩyɛ ndɩ ndɩ tada nʋmɔʋ taa. Ɖeɖe nɛ sɔnɔ alɩwaatʊ ɖɔɖɔ mbʊyɔ, Aristote lɩmazɩyɛ ɖɩnɛ ɖɩwɛ mbʊ ɛlɛ pʊɖʊkʊna hɔɔlɩŋ nɩɩyɛ pazɩ. Palɩza mbʊ pɩtaɣna ñɩɣlɩm pɔɔyasɩ ɖeke yɔ. Ñɩm yaa kobo wɛnaʊ waɖɛ nɖɩ, komina tɩna pi-tikila nɛ liidiye pɩsɩ mbʊ pɩwɛ ɛjaɖɛ paɣtʊ taa yɔ. Ajɛya sakɩyɛ nɩna ɖama nɛ aɖʊ paɣtʊ kʊɖʊmtʊ nɛ atɔkɩ liidiya kʊɖʊma se pɩsa nɛ ayakɩ ɖama wondu nɛ awɛna ñɩm kʊɖʊmɩm. Liidiye kɛna wonu ŋgʊ pakpakʊ nɛ pɛhɛyɩna tʊmɩlaɖa kɛ ɖoli nɛ alɩwaatʊ natʊyʊ taa yɔ. Pɩtɩŋna paɣtʊ yɔɔ lɛ, pɔyɔɔdʊ ɖama nɩnaʊ liidiye kɩkpɛndʊ tɔm. Piyele mbʊ palakɩna-ɖi yɔ lɛ, nabʊyʊ yɔɔ hɛyʊ yaa kɩmɩyɛ naɖɩyɛ hɛyʊ.

Kobo tʊŋ tʊma sɔsɔna naatozo: ɖama nɩnaʊ liidiye kɩkpɛndʊ tɔm. Cɩnɛ pakpakʊ liidiye nɛ pɛhɛyʊ kɩma yaa pawana cɛyɩtʊ natʊyʊ. Nabʊlɛ taa lɛ kobo kɛna tɔsʊʊ kpou ŋgʊ kɩhaɣ ɛyʊ yaa ɛjaɖɛ kɛ yʊŋ yɔ. Kpaagba taa lɛ, liidiye kɛna ɖama nɩnaʊ ñɩm kpou kʊɖʊmʊʊ, nɛ peeɖe panɩʊna ɖama nɛ palakɩ liidiye akɔntana. Liidiye yʊŋ yaa ɖɩ-wazaɣ lɩɣna lidau ŋgʊ ɖɩ-tɔɔya wɛna ɖɩ-yɔɔ yɔ nɛ ɖoŋ weyi liidiye nɖɩ ɖɩwɛna kɩlɛɛzɩŋ ɖeɖe yɔ. Liidiye wazaɣ wɛ hɔɔlɩŋ sakɩyɛ taa: samaɣ taa, politiki yaa manzʊmalɩ hɔɔlʊ taa, ɛyʊ yʊʊ taa maɣzɩm taa, paɣtʊ lɩzʊ yaa ɖɔɖɔ tɔsʊʊ hʊʊ hɔlɩŋ. Ñam ñam alɩwaatʊ taa yaa alɩwaatʊ ndʊ ɛyaa ɛɛtasʊ lidaʊ wɛnaʊ kobo nakʊyʊ yɔɔ yɔ, papɩzʊ polu liidiye pɔɔyasɩ nasɩyɛ se pɩwazɩ.

Liidiya wɛ ndɩ ndɩ. Ɖooo lɛ, pɩɩkɛna pɔɔyasɩ, hasɩ kela yaa lɩm tɛɛ tɛtɛ kpɩna naayɛ ñɩna, kalɩhundu yaa ɖɔɖɔ paaŋ pasakɩ camɩyɛ. Ɖeɖe nɛ sɔnɔ yɔ, ñɩɣtʊ kɛ pakɩlɩɣna liidiye ciŋgbiliŋ kɛ lubunau. Ɛlɛ paɖʊ nɔɔyʊ yaa nabʊyʊ tɛ kɩlɛmʊ kɛ pɔɔyaɣ ŋga kɔyɔɔ. Liidiye hatʊ ñɩnɖɛ ɖɔɖɔ mbʊ yɔ, palɩzʊ aŋjaʊnaa nabayɩ kɛ tɩ-yɔɔ.