Francisco da Goya
| Francisco de Goya | |
.jpg) | |
| Informa | |
| Ɛ-ɛjaɖɛ | Ɛsɩpaañɩ |
| Ɛ-tʋmɩyɛ | Keɖeyaɣ laɖʋ |
| Ɛ-ɖɩlʋlɩyɛ | Fuendetodos, Aragon, Ɛsɩpaañɩ |
| E-efemiye kɩlʋlɩyɛ | Lakɩŋ fenaɣ 30 wiye, pɩnaɣ 1746 |
| Ɛ-ɖɩsɩbɩyɛ | Bordeaux, Fransɩɩ |
| E-efemiye kɩsɩbɩyɛ | Agoza fenaɣ 16 wiye, pɩnaɣ 1828. |
| |
Francisco José de Goya Lucientes yaa Francisco de Goya kɛ Ɛsɩpaañɩ ɛjaɖɛ taa tʋ. Palʊla-ɩ kɛ lakɩŋ fenaɣ kɩyakʊ 30 ŋgʊ wiye pɩnaɣ 1746 kɛ Fuyandetodosi egeetiye taa kɛ Ɛsɩpaañɩ kewiyaɣ taa. Fuyandetodosi egeetiye ɖɩnɛ, ɖɩñɔtɩna tɛtʋ ndʋ payaɣ size Saragosi yɔ kpam.
Francisco de Goya tʊma ɖɔ kamaɣ fɛyɩ: ɛkɛ anjaʋnaa nɛ sɩʊkpelasɩ lɩzɩyʋʋ sɔsɔ nɔɔyʋ. Ɛkɛ ɖɔɖɔ tɔlɩm tayʋ sɔsɔ nɔɔyʋ. Ɛkɛ saayʊ nɛ ɛlakɩ ɖɔɖɔ kafɩnta tʋmɩyɛ. Ɛ-kʊkʊyɩmɩŋ nɛ ɛkpɛlɛkɩtʋ tɩŋgɛ payɩ kɛ mbʊ yɔ, ɛ-haɖaa taa ɖenɖe paalʋla-ɩ yɔ peeɖe ɛcaɣ. Piyele Maadiriidi nɛ Itaalii lona taa kɛ ɛkɩla ɛ-tʊma labʊ.
.jpg)
Ɛ-halʋ ɖalʋ, Francisco Bayeu kaakɛna Ɛsɩpaan̄ɩ ɛjaɖɛ taa anjaʋnaa lɩzɩyʋ nɛ tɔlɩm tayʋ nɛ ɛlɛ ɖʊna-ɩ nesi ɛ-tʊma taa. Ɛ-wilɩyaa kɔyɔ José Luzán nɛ Francisco Bayeu. Piyele mba pacʊɖa-ɩ pa-tʊma labʊ taa nɛ pɩha-ɩ hʊnʊm yɔ, pa-taa kɔyɔ: Diego Velázquez, Rembrandt, Giambattista Tiepolo, Jacopo Amigoni, Raphaël Mengs nɛ Bartolomé Esteban Murillo.
Payaɣ Fransisco de Goya caa se José Benito de Goya y Franque, e-ɖoo kɔyɔ Gracia de Lucientes y Salvador nɛ piyele ɛ-tɛ asɛyʊ kɛlɛ Josefa Bayeu. Pɛwɛna pɩɣa kʊyʊmaɣ nɛ ŋga lɛ Francisco Javier Goya Bayeu. Ɛsɩba ɖomaɣ fenaɣ kɩyakʊ 16 ñɩŋgʋ wiye, pɩnaɣ 1828. Ɛsɩba Bordeaux tɛtʋ taa, Fransɩ ɛjaɖɛ taa.