Georg Walter Groddeck, palʊla-ɩ aloma fenaɣ kɩyakʊ 13 pɩnaɣ 1866 Bad Kösen (Saale yɔɔ) nɛ ɛsɩ mɩsɩkʊm fenaɣ kɩyakʊ 11 pɩnaɣ 1934 Knonau tɛtʊ taa, pɩñɔtɩna Zurich, ɛkɛ maɣzɩm kɔyɛ labɩnayʊ ɖɔkɔtɔ Caama ɛjaɖɛ taa.

Palʊla Groddeck Saxe, ɛ-caa kaakɛ ɖɔkɔtɔ niiye mʊyʊ nɔɔyʊ Bismarck cɔlɔ. Ɛwɛɛna ɖalaa naanza nɛ kɔɔnaa, nɛ patɩŋa pasɩbɩna tomnaɣ taa kʊdɔmɩŋ nɩɩyɛ. Kajalaɣ lɛ, ɛɛkɛ sukuli pɩɣa Pforta sukuli taa mbʊ lɛ, Groddeck paɣzɩ kpɛlɛkʊʊ ɖɔkɔtɔ tʊmɩyɛ Berlin.

Pɩkɔɔ pɩnaɣ 1900 nɛ ɛ nɛ ɛ-kɔɔ nɛ ɛ-halʊ kajalaɣ tʊ Else von Goltz-Neumann, patʊlɩ kpeziwɩlaɣ yɔɔ tʊmɩyɛ ɖɩlaɖɛ Baden-Baden. Kedeŋa kpeekpe you kajalaɣ ŋgʊ ɖeɖe lɛ, ɛkɛ sɔɔja ɖɔkɔtɔ ñɩnʊ mbʊ lɛ, peyebina-ɩ kʊdɔntɩnaa nɛ ɛcɔŋna ɔ-yɔɔ kamɩŋaɣ kɩsɛmaɣ tʊmɩyɛ taa. Ɛyʊ ɛ nɛ yɔ ɛkɔɔ nɛ ɛsɩ Suwisi ɛjaɖɛ taa.