Hɔɔ

Hɔɔ kɛna aliwaatʊ ndʊ halʊ yeki naʊ fenaɣ yɔ nɛ yɔ. Pɩkɛna alɩwaatʊ ndʊ abalʊ sɛzʊʊ tomnaɣ katʊ halʊ ñɩŋga nɛ pɛkpɛndɩ kʊɖʊm nɛ pɩpaɣzɩ labʊ nɖuu kɛ halʊ pɩɣa ŋgbaʊtaa yɔ. Halʊ hakʊʊ hɔɔ yɔ, ɛtalʊlɩ abalɩ pɩɣa ɛlʊlʊʊ halɩ pɩɣa.

Abalʊ nɛ halʊ pasʊʊ yaa pacakɩ lɛ, yee abalʊ tɛ sɛzʊʊ tɔmnaɣ ŋga kɛwɛ X yɔ ŋga ɛkatɩna halʊ ñɩŋga ŋga kaka wɛ X yɔ ɖɔɖɔ kɔyɔ, pɩlakɩ sɛzʊʊ tomnasi XX, peeɖe kɛ mbʊyɔ, halʊpɩɣa palʊlʊ ɛlɛ yee pɩkɛ abalʊ tɛɛ sɛzʊʊ tɔmnaɣ ŋga kɛwɛ Y yɔ ŋga ɛkatɩna halɩñɩŋga ŋga kɛwɛ X yɔ kɔyɔ, abalʊ pɩɣa palʊlʊ pɩtɛ alɩwaatʊ. Pɩwɩlʊ se halʊ pɩɣa yaa abalʊ pɩɣa palʊlʊ yɔ, fenasɩ naalɛ tɛŋ pʊcɔ nɛ pɩwɩlɩ se halʊ pɩɣa yaa abalʊ pɩɣa pakaɣ lʊlʊʊ. ALɩwaatʊ ndʊ sɛzʊʊ tomnaɣ lɛɛka katʊ lɛɛka yɔ, pɩkpaɣna mbʊ yɔ, hɔɔ sʊa nɛ kalakɩ fenasi nakʊ ɛlɛ kapɩɣa nɛ halʊ pɩzʊ ɛlʊlɩ. Hɔsɩ nasɩyɛ ɛɛtalʊʊ fenasi naakʊ yaa sɩɖɛʊ fenasi nakʊ yɔɔ ɛlɛ sɩtakɩlɩ ɖɔʊ. Siŋŋŋ taa lɛ, hɔɔ kɩpaŋga lakɩ kpɩtaŋ yaa kɔzɔɖɔnaa kpaɣ 37 Nɛ 41 pa-taa. Yee katatalɩ mbʊ yɔ, pɔtɔŋ se hɔɔ kɩdapɩpʊʊ nɛ yee pɩɖɛ pʊyɔɔ kɔyɔ, pɩkɛna hɔɔ kɩɖɛzaɣ.

Ɖakʊtanaa tɛ lʊlʊsʊʊ kpɛlɛkʊtʊ taa lɛ, hɔsɩ wɛ tɔm nabʊtozo taa. Kacalaɣ taa lɛ, hɔɔ ŋga kɛwɛna nɖuu kʊɖʊm yɔ. Peeɖe lɛ, pɩɣa kʊɖʊmaɣ palʊlʊʊ. Nabʊlɛ taa lɛ, hɔɔ ŋga kɛwɛna nɖuuna naalɛ yɔ. Peeɖe yɔ, ɖomaa kɛ palʊlʊʊ. Ɖomaa lʊlʊʊ wɛ nabʊlɛ. Kacalaɣ taa lɛ, yee abalʊ sɛzʊʊ tɔmnaɣ ɛkata halʊ ñɩŋga kʊɖʊmaɣ nɛ kɛtɛyɩ-kɛ nabʊlɛ kɔyɔ, nɖuuwaa lɩʊ abalaa ɖeke yaa yalaa ɖeke. Pɔtɔŋ se ɖomaa siŋŋŋ. Ɛlɛ alɩwaatʊ ndʊ abalʊ sɛzʊʊ tomnaɣ ɛpɩza nɛ ɛkatɩna halɩ ñɩnzɩ naalɛ kɔyɔ, peeɖe lɛ nɖuunaa naalɛ cakɩna. Pɩkɛʊ ɖomaa halʊ nɛ abalʊ. Pɩtɛkɛ ɖomaa siŋŋŋ kɛlɛ. .domaa nabay,i ñɛɖɛʊ talʊ naatozo yɔ yaa pɛɖɛʊ pʊyɔɔ.

Halʊ hakɩ hɔɔ lɛ e-lotu paɣlʊ kpoyu ɛlɛ pɩtɛkɛ e-lotu ɖeke ɛlɛ ɛ-laŋgɩyɛ nɛ ɛ-hɩla. Hɩla paɣlʊ mbʊ pʊyɔɔ yɔ hɔɔ tɛ alɩwaatʊ kɛ hɩla paɣzʊ lʊlʊʊ hɩlɩum mbʊ pɩɣa kamʊzɩ yɔ. Alɩwaatʊ ndʊ halʊ hakɩ hɔɔ yɔ, ɛ-hɩla nɔsɩ taa tasʊʊ paɣlʊʊ nɛ pipii kiɖikiɖi. Mbʊ pɩwɩlʊ ɖɔɖɔ yɔ, mbʊ lɛ se halʊ yeki naʊ fenaɣ nɛ tanamɩŋ tɛɛ ɛ-taa kpɛndʊ ɛzɩ ɛtɔ yɔ. Alɩwaatʊ ndʊ halʊ ɖou kamaɣ fɛyɩ nɛ ɛ-hɩla tasʊ paɣlʊ.

Keteŋga kpeekpe yɔɔ ɖomaa mba pakɩlɩ ɖɔʊ yɔ, pɛkpɛnda pɩya nakʊ nɛ Malɩ ɛjaɖɛ taa, Tɔmbʊkʊtʊ taa, halʊ nɔɔyʊ lʊla-wɛ. Halʊ ɛnʊ ɛhaɦ hɔɔ nɛ pana se ɖoma ɛkaɣ lʊlʊ lɛ, powona-i Kasablanka, Maɖɔkɩ ɛjaɖɛ taa se pɔcɔna ɛ-yɔɔ. Ɛɛwɛna kɔzɔɖɔna l oɖo nɛ hɔɔlʊ lɛ ɛlʊla-wɛ agoza fenaɣ kɩyakʊ 5 pɩnaɣ 2021.