Halʊ kɛ ɛyʊ. Ɛyʊ kɛna kpɩnɛ nɖɩ nɖɩ ɖɩ-ñʊʊ taa lɔŋ yɔ, ɖɩyɔɔdʊ, ɖɩwɛna naŋgbanzɩ nɛ nesi nɛ ɖɩlakɩ tʊma ndɩ ndɩ yɔ. Halʊ kɛna ɛyʊ weyi ɛwɛna kodiye yaa halɩtʊ kɛ ɛ-tɛɛ yɔ. Payaɣ yem se halʊ paayaɣ-ɖɩ paa ɛyʊ weyi ɛwɛna halɩtʊ yɔ. Palʊlʊ pɩɣa ñɩɩɩ lɛ, payaɣ-kɛ se pɩɣa yaa pɩɣa peleɣa nɛ alɩwaatʊ ndʊ ɛɖɩɣna pɩʊ yɔ, ɛkɛ pɛlɔɣ. Pɛlɛtʊ tɛŋ lɛ, ɛsʊʊ halɩtʊ taa kɛlɛ. Ɛlɛ payaʊ se halʊ yɔ nabʊyʊ taa lɛ, payaɣ yem paacɔŋna se pɩɣa yaa sɔsɔ.

Abalʊ nɛ halʊ pasʊʊ yaa pacakɩ lɛ, yee abalʊ tɛ sɛzʊʊ tɔmnaɣ ŋga kɛwɛ X yɔ ŋga ɛkatɩna halʊ ñɩŋga ŋga kaka wɛ X yɔ ɖɔɖɔ kɔyɔ, pɩlakɩ sɛzʊʊ tomnasi XX, peeɖe kɛ mbʊyɔ, halʊpɩɣa palʊlʊ ɛlɛ yee pɩkɛ abalʊ tɛɛ sɛzʊʊ tɔmnaɣ ŋga kɛwɛ Y yɔ ŋga ɛkatɩna halɩñɩŋga ŋga kɛwɛ X yɔ kɔyɔ, abalʊ pɩɣa palʊlʊ pɩtɛ alɩwaatʊ. Pɩwɩlʊ se halʊ pɩɣa yaa abalʊ pɩɣa palʊlʊ yɔ, fenasɩ naalɛ tɛŋ pʊcɔ nɛ pɩwɩlɩ se halʊ pɩɣa yaa abalʊ pɩɣa pakaɣ lʊlʊʊ. ALɩwaatʊ ndʊ sɛzʊʊ tomnaɣ lɛɛka katʊ lɛɛka yɔ, pɩkpaɣna mbʊ yɔ, hɔɔ sʊa nɛ kɑlakɩ fenasi nakʊ ɛlɛ kapɩɣa nɛ halʊ pɩzʊ ɛlʊlɩ. Hɔsɩ nasɩyɛ ɖɛwʊ fenasi nakʊ yɔɔ ɛlɛ sɩtakɩlɩ ɖɔʊ.

Pɛlɔ paazʊ lɛɛzʊ sɛ ɛsʊʊ halaa taa lɛ, lɛɛzɩtʊ takɩlɩ ɖɔʊ ɛlɛ tɩnaɣ keleee. Ka-tɩnaɣ halʊ camɩyɛ, kapaazɩ lɩʊ hɩla piyele ka-halɩtʊ yaa ko-kodiye yɔɔ nɛ ka-hamɩŋ tɛɛ. Halʊ wezu ɖaala pɩkɩlɩ abalʊ ɛlɛ ɛ -tɛ alafɩya nɛ abalʊ ñɩŋgʊ pɛwɛ kɩmaŋ. Halʊ ɖɩcaɣyɛ yaa e-wezu caɣʊ taa yaa samaɣ taa lɛɣza sakɩyɛ ɖeɖe nɛ sɔnɔ. Ɖooo lɛ, halʊ wazaɣ kɛlɛ se pɛcɛlɛ-ɩ ɛ-halʊ, ɛlabɩ-ɩ tɔɔnaɣ nɛ ɛ-lʊlɩ-ɩ piya. Ɖooo lɛ pataawokina halɩ pɩɣa sukuli mbʊ pʊyɔɔ yɔ size ɛwɛɛ se ɛkaɣ walʊ pʊtɔpɔzɩ se pɛwɛɛkɩ liidiya se paɖʊ-kɛ sukuli. Sɔnzɩ nasɩyɛ taa lɛ, pɩtatɩɩhaʊ waɖɛ kɛ halʊ se ɛlɩɩna awayɩ nɛ yee pɩkɩla se ɩlɩɩ kɔyɔ, ehuzu ɛ-yɔɔ wondu walawala.

Halʊ kodiye wɛna hɔɔlɩŋ ndɩ ndɩ nɛ paa hɔɔlʊ ŋgʊ lɛ kɩnɛkɩ-wazaɣ. Cɔŋjɔŋ yaa cibiye, halɩtʊ pɔʊ, piya nɔmɔʊ, ŋgonɖe nɛ yalaɣ fuwa. Halʊ kodiye hɔɔlɩŋ ɩnʊ ɩtʊmɩyɛ kɛlɛ se ɩwona abalʊ sɛzʊʊ tomnaɣ kpaɣ halɩtʊ pɔʊ taa nɛ pɩtalɩ ɖenɖe ŋgonɖe wɛɛ yɔ. Mbʊ mbʊ pɩkɔɔ pɩtalɩ ɖenɖe pɩɣa nɖʊʊ cakɩ se ɛɛkɔ ɛpaɣlɩ, nɛ palʊlɩ-ɩ yɔ.