Kɩlaʊ yaa wazaɣ kɛna lakayaɣ ŋga kɔ-yɔɔ pɩtɩŋgʊna nɛ nabʊyʊ wɛɛna wazaɣ yɔ yaa pɩwɛɛ kelekele yɔ. Paalaɣ kɩlaʊ lɛ, pahaɣ wondu ndɩ ndɩ pɩkɩlɩna tɔɔnasɩ, ɖaɣ simaszi (kelima, sʊŋ, halikukunaa) yaa ɖaɣ kpɩna (pʊŋ, heŋ, naŋ...), ñɩɣlɩm wondu ndɩ, nabʊyʊ taa awayɩ wondu yaa awayɩ simasi. Kɩlaŋ nɩɩyɛ lɛ, ɛyaa kpem kɛ palaɣ. Kɩlaʊ ɖeɖe naaʊ mbʊ yɔ, ɛsɔnaa nabayɩ yaa akaɔlɔma naayɛ kɛ palaɣ-kʊ. Calɩm kɩlaŋ kɩlɩna tɔyʊ. Alɩwaatʊ ndʊ palaɣ tɔɔnasɩ tɛ kɩlaŋ yɔ, pɔyɔɔdʊ se pelizu lɩm.

Pɩkɛna tɛtʊ haʊ, kuduyu maʊ, nʊmɔʊ ɖɛʊ yaa ɖɔɖɔ ɖɩwaɣ sʊʊ ɖeɖe kɛ pakɩlʊ lɩm mbʊ pilizu. Palaɣ kɩlaŋ kɛ yem. Nabʊyʊ cɛyʊna nɛ palaɣ-ɩ. Ɛyʊ wezu caɣʊ taa lɛ, tɩlasɩ ndɩ ndɩ talɩɣna-ɩ nɛ ɛwazɩ. Ɛwazʊ nabʊyʊ taa se ɛwɛɛna ñʊʊ leleŋ, ɛ-yɔɔ ɛcɛ yaa ɛsɛɛna ɛsɔ yaa agɔlɔma se alabaɣlɛ. Kɩlaŋ nɩɩyɛ wɛɛ lɛ, palaɣ-ɩ se pɩkʊ nabʊyʊ ɛlɛ mbʊ pɩkazʊ se pɩwazʊ yɔ, pɩɖɔɔ nɛ pɩwɛ ɖeu pɩkɩlɩ. Kɩlaŋ nɩɩyɛ ñɔɖɔɔnʊ kɩdɛkɛdɩm yaa pɩɖaŋgʊ-pʊ se pɩkɔɔ. Wazasɩ nasɩyɛ ñɛwɛɛ lɛ, sɩsɩŋna ɛyʊ kɛ tʊmɩyɛ taa yaa sukuli taa yaa ɖɔɖɔ sɩɖaŋgʊ ɛyʊ kɛ you taa.

Ageeta nɛ haɖaa ndɩ ndɩ taa ɛzɩ Kɩrɛsɩ taa kɛ mbʊ yɔ, tɛtɛ kpɩna kɛŋna wondu ndʊ tɩwɛ ɛsɔnaa yaa agɔlɔma nɛ ɛyaa pɛ-hɛkɩŋ taa yɔ. Nɛ a-calɩm yɔɔ kɛ ɛyʊ pɩzʊ ɛtɩŋna nɛ ɛyɔɔdɩna ɛsɔ yaa ɛgɔlɔmɩyɛ. Ɛndɩ ɛjaɖɛ taa, ɛsɔsɛtʊ ŋgbɛyɛ nɖɩ payaɣ-ɖɩ se Ɛnduyism yɔ, ɖɩ-taa lɛ, nɔɔyʊ ɛtaamaɣzɩ se kɩlaʊ kpɩna sɩkɩ kɩsɩbʊ. Kpaɣ ɛzɩ tɩŋ, tɛtɛ wondu naŋgbanzɩ nanza yaa sumasi ndɩ ndɩ nzɩ sɩsɩkɩ kɩlaʊ ɖeɖe yɔ, sɩwɛɣna wezu kɩfalʊ sɔsɔʊ sɩ-sɩm wayɩ.