Kaɖazɩm

Kaɖazɩm kɛna tɛtɛɛ ñɩɣlɩm nabʊyʊ nɛ pɩwɛ ɛzɩ nʊm yɔ. Pɩkɛna kaaʊ nakʊyʊ nɛ ajɔɔla ndɩ ndɩ nɛ kaɖɩbɔnɩ pesidina nɛ pɩpɩsɩ-kʊ. Siŋŋŋ taa lɛ, pɩkɛna idiɖokarbuɖɩ ajɔɔla wena awɛ kɔɖɩɩ yɔ, ana akpelina ɖoli kʊɖʊm ɖooo tɛtʊ nɛ tɩ-tɛɛ ñɩm pamaʊ alɩwaatʊ. Tɛtɛɛ ñɩɣlɩm mamacɩɣla tataɣ nɛ idiɖokarbuɖi kʊnɛ pɔ-yɔɔ lɩʊ nɛ pɛcɛsʊ kɔna ñɩm sɔsɔm sakɩƴɛ ɖeɖe nɛ sɔnɔ pɩkɩlɩna kpɛlɩ kpɛlɩ tʊma labʊ taa. Mbʊ pʊyɔɔ yɔ, kaɖazɩm ɖeke cɛlɩɣna sanzɩ pɩɖɛɛ ɛzɩ hɔɔlʊʊ pilim yɔɔ ƴɔ. Kaɖazɩm taa kɛ palɩzʊ sanzɩ ŋgʊ payaɣ-kʊ se fiyuli yɔ. Fiyuli kʊnɛ kɛ paɖʊ ñɩɣtʊ yʊŋ ñɩndʊ ndʊ pasɩɣʊ ɖɩsɩ nɛ tɩhaɣ feveku yɔ yaa ɖɔɖɔ ñɩɣtʊ sɔsɔtʊ ndʊ pasɩɣʊ kpɛlɩ kpɛlɩ tʊma sɔsɔna taa yɔ.

Ñɩɣtʊ ndʊ tɩwɛ yʊŋ hɛmmm yɔ, kaɖazɩm nim ñɩmbʊ pʊnɛ paɖʊ ɩ-taa nɛ payaɣ-pʊ se tiyezɛlɩ ñɩɣtʊ. Kaɖazɩm taa ɖɔɖɔ palɩzʊʊ kaazuwɛlɩ, keɖozɛnɩ, sanzɩ, awanaa, hʊɖʊbanaa, maɖɩɩ ketu, kootalɩ nɛ num ndɩ ndɩ mbʊ paɖʊ-pʊ ñɩɣtʊ taa nɛ putuu camɩyɛ fedele fedele yɔ. Kaɖazɩm wɛʊ tɛtɛɛ lɛ, pɩ-taa nɛ azuluma ndɩ ndɩ ɛzɩ kaɖɩbɔnɩ ŋgʊ kɩwɛna tiyɔkɩsidi yɔ, idiɖozɛnɩ ŋgʊ kɩ-taa wɛ sulfatɩ yɔ, lɩm maɣmaɣ nɛ ñɩɣtʊ ndɩ ndɩ hɔɔlasɩ. Hɔɔlasɩ nasɩyɛ wɛɛ lɛ, heelim ñɩtʊ pama sɩ-yɔɔ lɛ, sɩyɔlʊʊ. Azuluma ndɩ ndɩ wena awɛ kaɖazɩm mbʊ pɩ-taa yɔ, mbʊ yebina nɛ pɩwɛɛ se pohuyu-pʊ lɛ, pɩkɩla ɖeu se pacatɩ-pʊ camɩyɛ pʊcɔ paɖʊ-pʊ ñɩɣtʊ ndɩ ndɩ taa. Pɩtɛkɛ mbʊ yɔ, azuluma ana awɛɛkʊ ñɩɣtʊ ndʊ.