Kaaʊ

Kaaʊ kɛna wondu kɩmamanam ndʊ tikpeɣla com nɛ tɩwɛɛ ɖoŋ kaŋkaŋ yɔ. Wondu ndʊ potolubu-tʊ kulubu ɛlɛ tɩwɛ ilemiye yɔɔ ɖooo kiɖe tɛɛ. Pɩkɛna ñɩɣlɩm tɛtʊ ndɩu tikpeɣlaa yɔ, kpɛlɩ pɩyɛ tatasɩ nzɩ sɩma com ɖɔɖɔ yɔ. Pɩkɛna ɖɔɖɔ afɩya yaa ahɔya acaza. Nabʊyʊ taa lɛ kaaŋ ɩnʊ ɩlɩɣna tɛtɛɛ kpɩnandʊ ndʊ tɩwɛɛ nɛ tɩwɛ ɖɔɖɩɩɩ yɔ tɩ-taa. Kpɩnandʊ ndʊ, alɩwaatʊ ndʊ tɛtʊ maɣmaɣ feveku sʊʊtʊ camɩyɛ yɔ, tiyolu nɛ tɩmʊ miŋ nɛ tɩyɔkɩ tɩlɩna awayɩ. Tɛtʊ ñabɩ yɔɔ peeɖe, heɣlim makɩ-tʊ lɛ tiyele tikii nɛ tɩkpa ɖoŋ kaŋkaŋ. Kaaŋ wɛ nabʊlɛ taa: nɩɩyɛ taa lɛ, tomnaɣ kʊɖʊmaɣ ɖeke wɛna piyele lɛɛŋ taa lɛ tomnasi pɩzʊ pʊɖɔɔ. Tomnasi nzɩ, sɩ-taa kɔyɔ: ihosiye nɖi payaɣ-ɖɩ se kalɩkɛɛɖɩ yɔ, lɛɛɖɛ nɖɩ payaɣ ɖɩɖɩ se maɖɩbrɩ yɔ, kʊwaɖɩsi, ñɛsɩ, kiɖaniti yaa ɖɔɖɔ pazalɩti. Ɛlɛ kaaŋ pɩlʊ cɔlʊ wɛ kaɖɛ. Mbʊ pʊyɔɔ yɔ, paɣtʊ ndɩ ndɩ wɛɛ nɛ pʊwɛɛ se patɩŋna tɩ-yɔɔ yaa pañam-tʊ pʊcɔ. Paanɛ mbʊ yɔ, kaaŋ wɛna wɛtʊ ndɩ ndɩ ndʊ papɩzʊ patɩŋna tɩ-yɔɔ nɛ patɩlɩ-ɩ yɔ. Kacalaɣ taa lɛ, kaaŋ wɛ ɖoŋ kaŋkaŋ nɛ i-tomnasi malɩna ɖama cɩncɩŋ. Kaaŋ ɩnʊ payaɣ yem se pɛɛ yaa ɛwaɣ. Tomnasi nzɩ sɩ-taa kɔyɔ: maɖɩbrɩ nɛ kɩɖaniti. • Nabʊlɛ lɛ, kaaŋ nɩɩyɛ putuu yem ɛzɩ ewesiye yɔ nɛ ɛyʊ pɩzʊ epuutina ɛ-cɩkpaŋ. Kaaŋ ɩnʊ payaɣ se kpambʊyɩŋ. • Kaaŋ nɩɩyɛ ñɛwɛ kɔɖɩɩɩ nɛ payaɣ-ɩ se cʊʊ. • Kañɩŋa wɛɛ ɖɔɖɔ. • Kalɩkɛɖɩ wɛ. • Nɩɩyɛ ñololaa yaa ɩkɛnana heɣlimaɣ nɛ nabʊyʊ taa ɩnʊ pakpakʊ palɩkɩna miŋ nɩɩyɛ.