Kolizee kɛna Roma taa kpaaŋ ŋgʊ kɩ-taa palakɩ amʊsa ndɩ ndɩ nɛ kɩ-taa nɛ ndema sakɩyɛ ɖɔɖɔ yɔ. Kɩwɛ kuluŋgulu yaa ɖaalʊ yɔɔ. Pɩkɛna kʊjɔŋ ŋgʊ wiɖii nɔɔyʊ tama-kʊ yaa ɛtana ɛna yɔ. Kaaŋ kʊnɛ kɩɖaɣlakɩŋ taa wɛna mɛtanaa 187,75 walanzɩ taa lɛ pɩmaɣna mɛtanaa ɛzɩ 155,60 piyele nɛ kʊ-kʊyɩmɩŋ taa lɛ, pɩtalʊ mɛtanaa 50,75.

Papaɣzɩ:aèk:u maʊ kɛ pɩnzɩ 7° nɛ 72 taa kɛ Yesu kristu lʊlʊ wayɩ. Papaɣzɩ-kʊ maʊ kɛ wiyau Vespasion nɛ pɛtɛm-kʊ siŋŋ kɛ pɩnaɣ 80 kɛ wiyau Titus kewiitu taa. Pɩla mbʊ lɛ wayɩ lɛ, pɛwɛɛ pɛlɛɣzʊ hila ndɩ ndɩ. Kacalaɣ taa lɛ se Flavien kaaŋ nɛ palɩna Domiten kewiitu taa lɛ, pɛlɛɣzɩ-kʊ hɩɖɛ.

Kʊjɔŋ kʊnɛ, paaɖa-kʊ maʊ lɛ, kɩ-taa ɛyaa ɛzɩ kutokiŋ nɩɩnɩwa yaa nɩɩnaza yɔ paapɩzaɣ se pacaɣ kɩ-taa. Kolizenaa yaa kaamɩŋ ɩnʊ pakpaɣkaɣ-ɩ ɖɔɖɔ nɛ paɖɩkɩ tɛtɛ wendu nɛ tiyou nɛ pɩkɛdʊna ɛyaa. Pɩɩkɛna ɖɔɖɔ ɖenɖe pawilʊ ɖooo lɔŋ taa yoŋ sɔsɔŋ ndɩ ndɩ yɔ, yaa ɛzɩma paɖʊ ɛyaa mba pakpa-wɛ yɔ sɩm yɔ pɩnɛ ɖooo Roma caanaʊ taa pɔbɔtʊ nɖʊ pɛcɛtaɣ sɩɩnbaa yɔɔ yɔ pɩ-tɔm nɛ mʊyaa mʊyʊʊ. Kolize kʊjɔŋ kʊnɛ, kɩɩwɛ mbʊ pɩtalɩ ɛzɩ pɩnzɩ 500 yaa ɛzɩ pɩnz; i mɩnɩŋ VI yɔ.