Kpalahʊwa lʊʊ kɛna tʊmɩyɛ labʊ sɔsɔtʊ ndʊ ɛyʊ lɩzʊ lona naayɛ se ɛma kudiyiŋ sɔsɔŋ yaa paa cikpelu yɔ ɛlɛ pɩkɛna-ɩ kɩcɛyʊ se ɛña kudiiyiŋ maʊ mbʊ pɩ-paɣtʊ. Kudiyiŋ maʊ paɣtʊ ndʊ paa pɩɩtɩkɛna lɔnzɩnɖɛ nɖɩ panaɣ nɛ ɛsɩyɛ yem yaa ɛsɛkuliye naɖɩyɛ yaa ɖɔɖɔ keɖeɣa ñɩnɖɛ kɔyɔ, matʊ sɔsɔtʊ tʊmɩyɛ ɖɩnɛ ɖɩwɛna ɖɩ-nɔɔ se ɖɩɖʊʊ. Paɣtʊ tʊnɛ tɩwɛ cɔlɩɩɩ takayɩsɩ maʊ kɩpɩnzɩ nɛ kɩfasɩ taa ɖɔɖɔ. Kpalahusi tʊmɩyɛ ɖɩnɛ ɖɩ-paɣtʊ cɔŋna lona wena a-taa pɩwɛɛ se pama kudiyiŋ sɔsɔŋ ɩnʊ yɔ, samaɣ ŋga ka-taa pamaɣ-ɩ yɔ, alɩwaatʊ ndʊ tɩ-taa palakɩo tʊmɩyɛ nɖɩ yɔ nɛ wondʊ ndʊ pakpakʊ se pamana yɔ.

Kudiyiŋ sɔsɔŋ weyi palʊʊ ɩ-tɛ kpalahusi nzɩ yɔ, i-taa kɔyɔ: kudiyiŋ weyi pasʊʊ ɩ-taa yɔ, pɩlaŋ weyi ɩwɛʊ cɩɖɩ cɩɖɩ yaa keɖewa yɔ, ɛyaa kiɖeɖema yaa agɔlɔma pɩlaŋ, sɔnzɩ sɩsɔsɩ lona, ɛsɔsɛtʊ kudiyiŋ, yɔɔ kaɖʊ yaa ɖaŋgʊ kʊlɔmɩŋ, nesi tɛɛ tʊma sɔsɔna kpaamɩŋ, tada sɔsɔna lona, tʊma tɩlɩʊ kudiyiŋ sɔsɔŋ, wɩlɩtʊ yaa tuʊzʊʊ tɛ loniye, keɖeɣyaɣ wondu tɩlɩtʊ tɛ, sɔɔsɔɔna tʊma ɖɩlaɖɛ. Pɩtasɩɩna peɖe ɖeke ɛlɛ ɖenɖe pepiŋ sɔdɩŋ sɔsɔŋ yɔ, peeɖe ɖɔɖɔ pɩwɛna kpalahusi lʊya kɛ kɩcɛyʊ se pala tʊma. Yaa ɖɔɖɔ kpaamɩŋ sɔsɔŋ weyi ɩ-taa nesi tɛɛ tʊma wena alakɩ keɖeɣa nɛ cʊnʊʊ tʊma yɔ, mayaa sʊsaa mba, mba lakɩna-yɛ. Kpaamɩŋ sʊsɔŋ lɛɛŋ kɔyɔ: ɛjaɖɛ yɔɔ kpɛɛ naʊ nɛ ɛsɛ pee yaa ɖɔɖɔ aŋjaʊna nɛ sɩʊkpelesina lɩzɩʊ lona sɔsɔna kudiyiŋ.

Tʊma ndɩ ndɩ wena a-taa kpalahusi lʊʊ wɛɛ yɔ, a-yɔɔ kɛ pɔtɔŋ se tɩlɩyɛ ɖɩnɛ ɖɩkɛna ɛsɛkuliye sɔsɔyɛ naɖɩyɛ. Kpalahusi lʊʊ tʊmɩyɛ ɖɩnɛ ɖɩkɛna kacalaɣ tʊma ɖeyi ɖeyi lakayaɣ ŋga pasɩma se kɛwɛ camɩyɛ kɛ keɖeɣya tʊma taa yɔ. Maya sɔsa tʊmɩyɛ ɖɩnɛ ɖɩlakɩ ɖi-tʊmɩyɛ kɛ ilemiye nɛ tataa. Lona ndɩ ndɩ wena a-taa palʊʊ kpalahusi yɔ,apɩzʊ akɛna ɛzɩ ɛjaɖɛ kpeekpe taa yɔ lone sɔsɔyɛ naɖɩyɛ maʊ yɔ, ɛjaɖɛ hɔɔlʊʊ nakʊyʊ yaa egetiye naɖɩyɛ taa yɔ yaa ɖɔɖɔ maalika nakɩyɛ taa yɔ. Pɩpɩzʊ pɩkɛna ɖɔɖɔ ɛzɩ kuduyu sɔsɔʊ nakʊyʊ yem ɖɩmayɛ yɔ.

Ɛsɔ sɛtʊ kpaaŋ ŋgʊ payaɣ-kʊ Katediɖali Pierre kiɖeɖeu nɛ kɩwɛ Beauvais yɔ, pama-kʊ pɩnzɩ mɩnɩŋ XIII taa nɛ kaaŋ yeke paamana-kʊ. Piyele paama keɣye naɖɩyɛ kɛ ɖooo caanaʊ taa kɛ Panthéon, nɛ nɖɩ kaakɛŋna keɣye nɖɩ ɖɩkɩla kʊyʊ kɛ keteŋga kpeekpe taa. Pɩkɔma pɩnzɩ mɩnɩŋ XV taa lɛ kɛ pama lɔbɔkʊ nakʊyʊ kɛ Florence katediɖalɩ nɛ kɩtalɩ-kʊ. Pɩwayɩ pɩnzɩ mɩnɩŋ XX taa mbʊ yɔ, pamaɣ lɔbɔkɩŋ yaa keɣyasi nzɩ yɔ, sɩkɩla paŋŋŋ kɛ nzɩ pamawaɣ yɔ.