Kpokpo

Kpokpo kɛŋna ñɩɣyʊ ŋgʊ kɩwɛna pɔbɔla nalɛ nɛ pasaɣ-kʊ yɔ. Kpokpo wɛna ñamɩyɛ nɛ ɖɩ-yɔɔ kɛ kpokpo ɖoŋ tɩŋa wɛɛ. Ñɩɣyʊ kɩsasaʊ kʊnɛ kɩfɛyɩna kpomu ŋgʊ kɩɩhʊʊzɩ sayʊ yɔɔ yɔ. Weyi ɛsaɣ-kʊ yɔ, pɩnaɣ-ɩ yem kaɣlaa. Kpokpo wɛna ñɩɣyʊ taa ɖɔnɛ ɖaɣlakɩŋ nɛ ɩ-yɔɔ kɛ ɛyʊ pɩzʊ esena-kʊ ɛzɩma ɛsɔɔla yɔ. Pɩnaɣ mɩnɩŋ XIX taa kɛ poluba kpokpo nɛ kɩ-kacalaɣ tʊmɩyɛ kɔyɔ se kiwona ɛyʊ kɛ poliŋ taa ɖoli. Ɛlɛ ɖeɖe nɛ sɔnɔ yɔ, kɩ-tʊma wɛ ndɩ ndɩ pɩlɩɩna ɛyʊ sɔɔlɩm taa.

Kpokponaa nabayɩ wɛɛ lɛ, pasaɣ-wɛ nɛ pahayɩsʊna , lɛɛba lɛ, haba sɔsɔna nɛ kɩɖaɣla yɔɔ kɛ pasaɣ-wɛ fuufuu, lalaa yɔ, paale pasaɣ-wɛ, pʊtɔbʊʊ se paa pʊŋ taa yaa kaaŋ ɩwɛ ɛzima kɔyɔ, papɩzʊ pasaa-wɛ, kpokpona lɛɛba lɛ haba sɔsɔna nɛ kɩɖaɣla yɔɔ kɛ pasaɣ-wɛ fuufuu ɛlɛ pɩkɛɣna ɛzɩ tomnaɣ taa hayɩsʊ ɖɔɖɔ yɔ. Kpeɖe naɖɩyɛ wɛ kpokpo yɔɔ nɛ ɖɩ-yɔɔ kɛ sayʊ cakɩ nɛ ɛsɩ ɛ-nɩŋgbanzɩ kɛ naŋgbanzɩ ɖɩsɩyɛ. Ɛcakɩ mbʊ lɛ, nesi kiɖiyinau ñɩɣyʊ nakʊyʊ wɛɛ nɛ ɛɖɔkɩ-kɩ ciŋciŋ. Ñɩɣyʊ ŋgʊ kɩ-yɔɔ nɛ kpinini seu yɔm ñɩɣyʊ wɛ nɛ ɛsɔɔla ɛsɩma yɔ esaɣ nɛ ɛlɛɛzʊ. Sayʊ pɩzʊ ɛkpaɣ nɔɔyʊ kɛ ɛwayɩ yee kpokpo ŋgʊ kɩwɛna wayɩ kpeɖe kɩcaɣyɛ kɔyɔ.

Kpokpo taawɛɛ kabɩyɛ taa ɛlɛ paya-kʊ nɛ hɩɖɛ nɖɩ yɔ, ɖɩlɩna kiwilu yɔɔ. Paɖʊ-kʊ miŋ se pasaɣ-kʊ lɛ, kɩlakɩ « kpokpo kpokpo ». Pʊyɔɔ kɛ paya-kʊ se «kpokpo».

Kpokpo wazaɣ nɛ kɩkʊʊ yebina nɛ kɩwɛɛna kɩlabɩnam ndɩ ndɩ. Pɩkɛdʊ lɛ pakpaɣ-kʊ ɛzɩ kiwokina ɛyʊ ɖoli yɔ yaa ɛzɩ santaɖaʊ ŋgʊ palakɩ ɖama heɣluu nɛ alaɣkataɣ yɔ. Keteŋa kpeekpe sɔɔjana kaasɩma lɔŋ kɛ kpokpona wazaɣ yoŋ taa. Kpokpona yɔɔ pakpakaɣ you wondu natʊyʊ nɛ pɔɖɔŋna sɩʊ sɩʊ hɔɔlɩŋ ndɩ ndɩ.