Lord Byron
Palʋla Geoge Gordon Byron yaa Lord Gordon Byron kɛ kɔlaɣ fenaɣ taa kɩyakʋ 22 n̄ɩŋgʋ wiye, pɩnaɣ 1788 taa kɛ Lɔndrɩ tɛtʋ taa. Ɛsɩba ɖomaɣ fenaɣ taa kɩyakʋ 19 n̄ɩŋgʋ wiye, pɩnaɣ 1824 n̄ɩŋga taa. Krɛsɩ ɛjaɖɛ taa ɛsɩba, Missolonghi tɛtʋ taa. Lɔndrɩ tɛtʋ kɛŋna Aŋgletɛɛrɩ tɛtʋ sɔsɔtʋ. Ɖajaa George Gordon Ɖajaa ɛnɛ, ɛkɛ keɣwa maɖʋ sɔsɔ nɔɔyʋ. George Gordon Byron kɛ ɖɔɖɔ takayɩsɩ maʋ. Caama kʋnʋŋ taa ɛmana ɛ-takayɩsɩ. Ɛ-taabalaa mba ɛ nɛ wɛ palakaɣ tʋmɩyɛ kʋɖʋɖɩyɛ yɔ mba yɔ : Robert Southey, Wordsworth, Coleridge, Shelley nɛ Keats.
George Gordon caa kɛ payaɣ se John Byron. Ɛɛkɛ kolonɛɛlɩ nɛ eyo you camɩyɛ kɛ Amerika tɛtʊ taa lɛ, ɛ-tɔm kɛdɩna halɩ pɩɣa nakayɩ, Amelia, nɛ kahalɩ-ɩ. Amelia wɛɛna-ɩ pɩɣa kʊɖʊmaɣ, Augusta nɛ ɛɖɛɛ ɛsɩ. Ɛpɩsaa ɛkɔɔ Pretaañ Sʊsɔʊ taa lɛ, ɛkpaɣ Catherine Gordon de Gight (1765-1811) nɛ ɛlɛ lʊlɩna-ɩ George Gordon kɛ kɔlaɣ fenaɣ kɩyakʊ 22 pɩnaɣ 1788. Palʊla-ɩ lɛ, ɛnaatalʊ kɛwa. E-ɖoo ɛnɛ ɛtɔɔ Lord yɔɔ kʊñɔŋ, mbʊ mbʊ yɔ, ɛ-halʊ ñapɩsa Fransɩ ɛjaɖɛ taa nɛ ɛ-nɛ asɛya pɔtɔkɩ leleŋ leleŋ nɛ pɔñɔʊ.