Maɣzɩm takayaɣ kɩkalaɣ

Maɣzɩm takayaɣ kɩkalaɣ pɩkɛ takayaɣ kɩkalaɣ ŋga pama-kɛ yɔ, pasɩma-kɛ nɛ mbʊ yɔ se pɛkɛtɩɣ ka-taa tɔm kɩkɛdʊ nɛ ɛyʊ ñʊʊ taa maɣzɩtʊ tɔm tɛ. Ñʊʊ taa maɣzɩm tɔm ndʊ kɩmamatʊ ndʊ tɩpɩsɩ mbʊ ɖɩyaɣ maɣzɩm takayaɣ kɩkalaɣ.

Sakɩyɛ taa ɖɩpɩzɩɣ ɖɩtɔ se maɣzɩm taa takayaɣ kɩkalaɣ ŋga ka-taa tɔm kɛ kɩkɛtʊ nɛ tɩwɛɛ ndɩ ndɩ, kɛlɛ tɩɖaɣla, ɖeɖe nɛ sɔnɔ pama-tʊ keɣa fɛyɩ matʊ, nɛ pɩkɛ wɛɛ kʊyʊma tɔm ndʊ papɩzɩɣ pɔtɔ tɩkɛ kulubutu yɔ, yee paa mayʊ ɛñɩnɩɣ tovonum keeke kɔyɔ, mbʊ tɩna tʊkaɣ ɛ nɛ tɔm kɩkɛtɩtʊ (ɛyʊ yɔɔ tɔm maʊʊ, tɩ yɔɔ tɔm maʊʊ, aseɣɖe tɔm nɛ ŋgbaɣ mbʊ ŋɖɛɛ) nɛ ɖɔɖɔ mʊɖɛ ndʊ tʊtʊ ñakɩlɩ ɖeu kpem yɔ.

Takayaɣ kɩkalaɣ (canaʊ taa pɩɩkɛ Romanus (latɛŋ kʊnʊŋ taa lɛ, pʊ-tɔbʊʊ Roma tɛ romanice (latɛŋ cikpeluu taa lɛ) romanz yaa romans Fransɩɩ kʊnʊŋ taa). Pataka sakɩyɛ sakɩyɛ se pana tɔmʊʊ ŋgʊ kɩ-kiɖe. Pɔcɔna piŋ kɔyɔ tɔmʊʊ ŋgʊ kiɖe tɛɛ lɛ pɩɩkɛ kʊnʊŋ nakʊyʊ ŋgʊ pɔyɔɔdaɣ-kʊ ɖooo Hɛkʊ taa alɩwaatʊ yɔ, Room kʊnʊŋ, pɔyɔɔdaɣ-kʊ Fransɩɩ nɛ hayɩ kiŋ ɛjaɖɛ taa, ɛɛɛ kʊnʊŋ, kɩwakaɣ ɔkɩ kʊnʊŋ kʊkʊ pɔyɔɔdaɣ Fransɩɩ nɛ hadɛ kiŋ ɛjaɖɛ taa. Kʊnʊŋ ŋgʊ kɩñɔʊʊ yɔ pɩlɩna ɛzɩma latɛŋ kʊnʊŋ kaawɛ kiwoki woɖe yɔɔ kɛ Fransɩɩ ɛjaɖɛ taa yɔ.

Hɛkʊ Alɩwaatʊ taa lɛ, palakaɣ tʊmɩyɛ nɛ latɛŋ kʊnʊŋ lɛ pɩɩkɛ takayasɩ kɩmamasɩ hɔɔlʊʊ yeke ŋgʊ ɛyaa yɔɔdɩtʊ taa Room kʊnʊŋ pɔyɔɔdʊʊ. Latɛŋ kʊnʊŋ wɛʊ yɔ ɛyaa ŋñɩɩ yem sɩmna-kʊ nɛ pa-taa peeɖe ŋcɔna kɔyɔ pɛkɛ cɔɔcɩ tɩnaa nɛ ɛyaa mansɩma lɔŋ waa nɛ pɩpɔzɩ se pɔyɔkɩ tɩ-taa nɛ Rome kʊnʊŋ taa nɛ pɩsa nɛ ɛyaa kpeekpe pɩzɩɣ pakalʊʊ.