Masɩ maʊ

Masɩ maʊ kɛna nɔmɔʊ ŋgʊ ɛyʊ tɩŋgɩɣna nɛ ɛma nabʊyʊ yɔɔ yaa ɖoli kɛ ndʊ ɛ-taa wɛɛ ɛlɛ ɛtɔsɔɔlɩ se ɛyɔɔdɩna ɛ-nɔɔtaa yem yɔ. Masɩ maʊ kɛna tɩlɩtʊ ndʊ tɩɖɔŋ camɩyɛ kɛ yɔɔdaɣ paɣtʊ tɩŋga yɔɔ yɔ. Masɩ maʊ taa pamaɣ tɔm pee kpeekpe nɛ a-taa lɛ naayɛ wɛ ɖoŋ nɩʊ taa nɛ lɛɛna ñalɩzʊ alɛ tɔbɩŋ. Takayaɣ ŋga payaɣ se tɔm tɔbɩŋ lɩzʊ takayaɣ yaa tɔm kpou. Tʊmɩyɛ ɖɩnɛ ɖɩñaŋ ŋzʊlʊmɩyɛ nɛ yɔɔdaɣ yaa kʊnʊŋ pa-paɣtʊ yɔɔ; ŋzʊlʊmɩyɛ nɛ yɔɔdaɣ pa-matʊ kpɛlɛkʊʊ yɔɔ. Masɩ maʊ taa ɖɔɖɔ lɛ, palɩzʊ yɔɔdasɩ paɣtʊ takayasɩ kɩkalasɩ ndɩ ndɩ. Pɩwɛɛ mbʊ lɛ, kala naayɛ wɛɛ nɛ akakɩ kaʊ kɛ tɔm pee naayɛ matʊ taa. Masɩ maʊ kɛna mbʊ kabɩyɛtʊ tɔŋ se tɔm nana ɛsɛ keɣleee yɔ. Ɖooo kiɖe tɛ, Egipiti taa, kacalaɣ masɩ maʊ payawaɣ se Iyerogilifi.

Pɩnzɩ kutokiŋ IV waa taa pʊcɔ palʊlʊʊ Yeesu lɛ, Mezopotami taa tadɩyɛ labʊ tɔm nɛ ɖɩ-yɔɔ cɔnaʊ kaawɛ ɛyaa kaɖɛ. Mbʊ pʊyɔɔ yɔ, pɩɩwɛ-wɛ kaɖɛ se papɩzʊʊ pɔɖɔkʊʊ pa-ñʊŋ taa ndʊ pɔyɔɔdaɣ, ndʊ panɩwaɣ nɛ paɣtʊ ndʊ pakpakaɣ yɔ. Peɣɖe masɩ maʊ wɩlɩ sɩ-wazaɣ sɔsɔɣa tadɩyɛ yɔɔ tɔm tɔsʊʊ hɔɔlʊʊ taa. Ɖooo Egipiti caanaʊ ñɩŋgʊ taa nɛ Mezopotami taa, masɩ maʊ pɩzaa pɩɖɛɛ nɛ ɛsɩnda mbʊ pʊyɔɔ yɔ, palakaɣ fenasi takayɩsɩ nɛ pamawaɣ ɖɔɖɔ politiki tɔm nɛ ɛjaɖɛ yɔɔ ñɩndʊ, caanaʊ taa tɔm nɛ pasɩʊ. Ɛzɩ pɔyɔɔdʊʊ se tɔm se tɔm kɩ-yɔɔdɩtʊ sɔʊ ɛlɛ kɩ-mamatʊ ɛɛsɔʊ yɔ, mbʊ ɖɔɖɔ masɩ maʊ tʊma ɖɩ-tʊmɩyɛ kɛ caanaʊ tɔm nɛ tɔm hʊʊ paɣtʊ lɩzʊ tɔm tɔsʊʊ taa. Pɩtɩŋa payɩ kɛ mbʊ yɔ, nɖʊ ɛyʊ ɖɔkʊʊ yɔ kɛlɛ se masɩ maʊ taɣna weyi ɛkelʊ-sɩ yɔ. Masɩ maʊ ɖeke pɩzɩna sɩtʊʊ tʊkaɣ kɛ caanaʊ taa tɔm nɛ ndʊ tɩɩlaba pʊcɔ caanaʊ taa ñɩndʊ talɩʊ yɔ. Mbʊ pʊyɔɔ yɔ matʊ yebina nɛ ndʊ tɩɩlaba yɔ, papɩzɩ pama-tʊ nɛ pɛkɛdɩɣ-ɖʊ tʊ.