Mikhaïl Gorbatchev

Mikhaïl Gorbatchev
Informa
Ɛ-ɛjaɖɛ	Ruusii
Ɛ-tʋmɩyɛ	Ɛjaɖɛ ñʋʋdʋ
Ɛ-ɖɩlʋlɩyɛ	Privolnoye, Ruusii
E-efemiye kɩlʋlɩyɛ	Lakɩŋ fenaɣ kɩyakʋ 2 n̄ɩŋgʋ wiye, pɩnaɣ 1931
Ɛ-ɖɩsɩbɩyɛ
E-efemiye kɩsɩbɩyɛ

Mikhaïl Sergueïevitch Gorbatchev (Ruusii kʊnʊŋ taa lɛ, Михаил Сергеевич Горбачёв, Mikhaïl Sergueïevitch Gorbatchiov, [mʲɪxɐˈil sʲɪrˈɡʲejɪvʲɪtɕ ɡərbɐˈtɕɵf], nabʊyʊ taa lɛ, paya-ɩ se Gorby, palʊla-ɩ lakɩŋ fenaɣ kɩyakʊ 2 pɩnaɣ 1931 Privolnoïe (ru) nɔɔnɔɔ Stavropol Kraï tɛtʊ taa, ɛɛkɛ Sofiyetiki nɛ Ruusii ajɛyɛ ñʊʊ tʊ weyi eɖiyi URSS pɩnzɩ 1985 nɛ 1991 taa yɔ.

Mikhaïl Gorbatchev, ɛ-tɛ nɛ Caucase nɛ Hayi kiŋ Stavropol Kraï tɛtʊ taa. Ɛ-caa naa Kolkhozien waa patamsa pa-tɩ nɛ kpɛndɛ lɩmaɣzɩyɛ yɔɔ lʊɖaa, palʊla-ɩ lɛ, e-kiɖe taa kaawɛ kalɩmʊlaɣ kɩbaŋa nakɛyɛ ŋnɔɔ. Ɛkɛ Sergueï Andreïevitch Gorbatchev pɩɣa (pɩnzɩ 1909 ŋtalɩ 1976), ɛɛkɛ sɔɔja kɩbɩnʊʊ kedeŋga kpeekpe you naalɛ ŋgʊ taa, nɛ ɛsaɣa haɖaʊ lɔɔɖa Privolnoïe haɖaa taa nɛ Maria Panteleïevna née Gopkalo (pɩnzɩ 1911 ŋtalɩ 1993).

Pakpa ɛ-cɔzɔ pɩnaɣ nakɛyɛ nɛ pɔtɔ-ɩ salaka. Papazɩ ponutu-ɩ yaa pɔtɔyɩtɩ-ɩ kakaa fenasɩ hiu nɛ nanza, nɛ pʊcɔ paɖɩyɩ-ɩ se ɛtasɩɣ liɣ wiɖi kaŋalaŋ. Paɖanɩɣ wɩlɩɣ ɛ-takayasɩ taa lɛ, tɔm hʊyʊ sɔsɔ lɩzɩ se ɛtala wiɖi kaʊ ɛyaa kʊʊ yaa ɛsatʊ tɔm natʊyʊ kaʊ, mbʊ lɛ, pɩtamʊna se caɣ tam salaka. Patʊlɩ-ɩ pɩnaɣ 1938, nɛ ɛɖanɩɣ kpaɣʊ ɛjaɖɛ kewiyaɣ kpelaɣ Kolkhoze ɛjaɖɛ taa pɩnaɣ 1939. Tɔm ndʊ tɩcaɣ piŋ Mikhaïl yɔɔ nɛ ɛtɔŋ se maŋpɩcatʊ taa mankanaɣ tuluu ndʊ mansɩma yɔ, pakpa mɔn-cɔzɔ nɛ paɖɩɣ. Powona-ɩ nɛ ɖoo hɛkʊ.

Ɛtɛma e-sukuli hɛkʊ taa sukuli taa lɛ, ɛlakɩ tʊmɩyɛ ɛ-cɔzɔ cɔlɔ ɛzɩ haɖaʊ lɔɖaa sayʊ yɔ. Pɩsa nɛ pasayɩ ɛ-ñʊʊ taa lɛ, paha-ɩ samtʊ nimiye nɛ pawɩlɩ-ɩ tʊmɩyɛ kɩɖaʊ kɛtɛka kɩsɛmaɣ nɛ powona-ɩ Moscou se sukuli sɔsɔʊ. Peeɖe ɛlaba waɖɛ sukuli sukuli kɩtɛzɩɣ taa Lomonossov tɛtʊ taa, peeɖe ɛkata Raïssa Titarenko weyi ɛka-ɩ labʊ halʊ yɔ. Pʊkɔma pɩnzɩ 1964 nɛ 1967 alɩwaatʊ taa lɛ, ɛkpɛlɛkɩ haɖaʊ tʊmɩyɛ Stavropol haɖaʊ sukuli taa nɛ ɛɖʊ ɛtɩ haɖaʊ cɛyɩtʊ tɔm kpɛlɛkɩɣ nɔmɔʊ taa.