Pɩcɩlʊʊ yaa putooye pɩyɛ

Pɩcɩlʊʊ yaa putooye pɩyɛ kɛna pɩyɛ nɖɩ ɖɩwɛ lɩm taa yɔ yaa, denɖe lɩm kaawɛ yɔ. Lɩm peeɖe kɛ kañɩŋga nɛ putooye pataaɖɩ nɛ ɖama alɩwaatʊ ndʊ afɩya taɣ-ɛ lɔɔlɔɔ nɛ soŋgaɣ nɛ nikaɣ pakpa yɔ. Putooye yaa pɩcalʊʊ kʊnɛ kɩlɩna kaaŋ nɩɩyɛ taa. Alɩwaatʊ ndʊ lɩm ñɩzʊ kaaŋ ɖoŋ ñɩŋ lɛ, lɩm kʊɖʊmʊm mbʊ pɩkpakʊna putooye ana nɛ pɩdɛɣna pʊcɔlʊʊ pɔɔ nɛ alɩwaatʊ ndʊ alɩʊ ahɔya yɔɔ nɛ alɛ ñataa-ɛ lɔɔlɔɔ lɛ, pɩtɩŋga ikpeŋgeli nɛ pɩpɩsɩ kaaŋ kɩfaŋ lɛɛŋ.

Mbʊ yebina nɛ tɛtʊ lɩzʊʊ kpɛlɛkɩya, tɛtʊ maʊ tʊʊzʊʊ kpɛlɛkɩya nɛ tɛtʊ tʊʊzʊʊ wɛɖʊʊ ñɩnɩya tɔŋ se pɩcilʊʊ yaa putooye pɛɛ anɛ, a-taa nɛ ñɩɣlɩm pɛɛ wena payaɣ-ɛ se kʊwasi nɛ fɛlɩdɩpati yɔ. Pɩlɩɩna kɑaʊ kʊnɛ kɩ-wɛtʊ maɣmaɣ yɔɔ lɛ, nɩɩyɛ pɩzʊ ɩwɛɛ nɛ epuutuu yem. Mbʊ pʊyɔɔ yɔ, ɩtɛcɛyɩ ɛ-ɖɩmayɛ. Pɩcɩlɩŋ pɛɛ anɛ, pɔsɩ taa, teŋgʊnaa taa, lɩm fɛɛŋ taa yaa ɖenɖe lɩm wɛɛ yɔ, peeɖe panaɣ-ɩ. Pɩkazɩ kaaŋ sɔsɔŋ weyi lɩm ñɩzʊ mbʊ yɔ, yee ɩtakpandalɩ nɛ ɖama kɔyɔ, ɛlɛ pɩsɩɣna kañɩŋa nɛ weyi ɩpaɣlaa yɔ, payaɣ-ɩ se pɩcakpalama.

Tɛtʊ lɩzʊʊ kpɛlɛkɩya, tɛtʊ maʊ tʊʊzʊʊ kpɛlɛkɩya nɛ tɛtʊ tʊʊzʊʊ wɛɖʊʊ ñɩnɩya tɔŋ pɩcɩlɩŋ ɩnɛ ɩwɛ ndɩ ndɩ pɩlɩɩna wiluu ŋgʊ iwuu aliwaatʊ ndʊ pɛkɛtʊ ɩ-yɔɔ kɛ hama yɔ yaa ñɩɣlɩm wonu nakʊyʊ yɔ. Pɩcɩlɩŋ pɛɛ naayɛ wɛɛ lɛ, pɛkɛtʊ hama ɩ-yɔɔ lɛ piwuu se « PIF » yaa heŋŋŋ. Pʊtɔbʊʊ se se pɩcɩlɩŋ pɛɛ ana apɩ cɩŋ cɩŋ nɛ awɛ ɖoŋ camɩyɛ. Papɩzʊ pakpaɣ-ɩ nɛ palabɩna tʊma sɔsɔna. Nɩɩyɛ ñewuu « POUF » yaa kpɔŋ kpɔŋ. Kaaŋ ɩnɛ ɩ-taa nɛ pɔŋ nɛ ɩwɛ ɛzɩ kpaŋbʊyɩŋ yɔ. Ɖenɖe kaaŋ ɩnʊ ɩwɛɛ yɔ, peeɖe lɩm wɛʊ camɩyɛ nɛ pɩɩsɔʊ yem. Peeɖe kaɖazɩm nɛ tɛtɛɛ heliminaɣ nakayɩ pɩzʊ pɩwɛɛ ɖɔɖɔ.