Pɩcalɩmɩyɛ

Pɩcalɩmɩyɛ kɛna kaaʊ ŋgʊ kɩlɩna afɩya acaza taa nɛ ɖɩwɛ ɖoŋ kaŋkaŋ. Ɖɩwɛ cɩŋgɩlɩm nɛ mbʊ pɩpɩzʊ se pipisi-ɖɩ nabʊyʊ taa kɔyɔ lɛ lɩm yaa ɔkɩsɩdi. Pɩcakpalɩmɩyɛ wɛna tomnasi nzɩ nɛ pisidu yɔ pɩlɩna lɩm yaa ɔkɩsidi. Tomnasi nzɩ sisiduna pacalɩmɩyɛ taa nɛ pɩlɛɛzʊ ɖi-tomnaɣ sɛmɩŋ. Pɩcalɩmɩyɛ tɔyaa nɛ ɖɩwɛna tonasi ndɩ ndɩ pɩlɩɩna acaza yaa afɩya wena a-taa kɔɔʊ kʊnɛ kɩlɩnaa yɔ. Pɩcalɩmɩyɛ tɔyaa nɛ ɖɩwɛ ihoosiye taa nɛ ɖɩ-taa lɛ pɩwɛ toyi toyi ɛzɩ pee yɔ. Pɩyɛ ɖɩnɛ ɖɩwɛ ɖɔɖɔ tɛtʊ ndʊ tɩ-taa nɛ cʊʊ yɔ. Pɩwɛ ɛzɩ ɖenɖe payaɣ se Nɔɖɩmandi yɔ,

Sampañɩ, Pikaɖɩdi yaa ɖɔɖɔ tɛtʊ ndʊ payaɣ-tʊ se Pas-de- Kalɛ yɔ. Pɩcalɩmɩyɛ tɔyɩ ɖɔɖɔ pʊʊ sɔsɔɩu ŋgʊ payaɣ-kʊ se Hɛlɩfoti yɔ kɩ-taa. Ɖooo caanaʊ taa papaɣza pɩcalɩmɩyɛ tʊmɩyɛ labʊnaʊ. Ŋdɩ polukaɣna miŋ. Pakpakʊ lɛɛɖɛ nɛ pɛsɛyɩna lɛɛɖɛ kɛ ɖoŋ lɛ, mamatʊzasɩ lɩʊ fɩŋ fɩŋ. Mamatʊzasɩ nzɩ, sɩtɔlʊ kpootu yɔɔ lɛ miŋ mʊ. Kpootu ɛfɛyɩ kɔyɔ, pakpakʊ sʊmasɩ hʊndʊ yaa kalɩ hʊndʊ. Polukina pɩcalɩmɩyɛ nɛ wondu ndɩ ndɩ ɛzɩ : hakiŋ, sɩsɩ yaa you wondu. Pɩtasɩ ɖɔɖɔ lɛ, pɩyɛ ɖɩnɛ ɖi-keɖewa nɛ ka-ñɩlɩzʊ yɔɔ lɛ, pesidu-ɖɩ filikinaa taa nɛ pamaɣna kuduyiŋ. Mbʊ pesida nɛ pamana kuduyu ŋgʊ payaɣ-kʊ se Saint-Valery-sur-Somme yɔ.