Pʊʊ

Pʊʊ kɛna tɛtʊ lɩzʊ lone naɖɩyɛ nɖɩ ɖɩwɛ tɩyɩnzɩ cɔʊ loniye naɖɩyɛ taa nɛ kɩwɛ tɔndʊʊ yɔ. Pɩkɛna tɩyɩnzɩ cɔʊ lone nɖɩ ɖɩ-tɛtʊ nɛ ɖɩ-kaaŋ pekpeɣla ɖoli kʊɖʊm com pʊɖɔɔ nɛ pʊkʊyɩ kamaɣ fɛyɩ yɔ. Pasɩŋ pʊʊ nɛ kʊ-kʊyɩmɩŋ pɩkɩlɩna kɩ-kʊyɩmɩŋ taa kɩcɛlʊ kɛcɛlɛnzɩ camɩyɛ yɔ. Pɩwɛ kaɖɛ pazɩ se ɛyʊ ɛpazɩ ɛkɛdɩ kɛɛkɛɛ mbʊ payaɣ se pʊʊ yɔ. Pʊyɔɔ kɛ hɔɔlɩŋ ndɩ ndɩ nɩna ɖzmz nɛ akpɛndɩɣ a-lɩmaɣza nɛ anɩɣna ɖama mbʊ payaɣ se pʊʊ yɔ. Tɔm piye ɖɩnɛ palɩza-ɖɩ pɩnzɩ mɩnɩŋ X nɛ XII taa. Pʊʊ pɩzʊʊ pɩkɛna se tɛtʊ nɛ kaaŋ pepeɣlɩna ɖoli kʊɖʊm nɛ pʊkʊyɩ pazɩ, mbʊ payaɣ se payaɣ yɔ.

Pʊŋ wɛna wɛtʊ ndɩ ndɩ pɩlɩɩna mbʊ mbʊ pɩkpɛnda nɛ pɩlabɩ-ɩ yɔ. Pʊŋ nɩɩyɛ wɛɛ lɛ, ɩ-ñʊŋ taa wɛ cʊlʊ cʊlʊ, lɛɛŋ takɩlɩ kʊyʊ nɛ lɛɛŋ kʊyɩ camɩyɛ ɛlɛ ɩ-ñʊŋ taa wɛ landammm ɛzɩ kadaŋga yɔ. Nɩɩyɛ wɛ ɛzɩ hɔkɩŋ yɔ, pʊtɔbʊʊ se ɩtɩna ɖama yɔɔ ɛlɛ paa ŋgʊ lɛ lɛ, kɩwɛna kɩ-n̂ʊʊ ɖɩkɔyɛ. Pʊŋ nɩɩyɛ ɖɔɖɔ lɛ, ɩ-taa cukaŋ taa nɛ momolokiŋ. Mbʊ yebina nɛ pʊŋ ɩnʊ pɩkɛdʊ yem lɛ miŋ lɩʊ na ɩtaa fɩŋfɩŋ ɛzɩ miŋ nzʊlumayɔ. Pʊŋ nɩɩyɛ wɛɛ lɛ, nɔɔyʊ ɛɛpɩzʊ ɛkpa i-taa mbʊ pʊyɔɔ yɔ ɩkɩla wɛʊ siu siu. Paanɛ mbʊ yɔ palɩza nimasi nasɩyɛ nɛ pakpaɣna-ɩ.

Pʊŋ ɩnʊ ɩ-taa kɛ tɛtɛ kpɩna naayɛ mɛlʊ camɩyɛ nɛ ahiku laŋhɛzɩyɛ mbʊ pʊyɔɔ yɔ akoyindina akpama ɛɛtalʊ peeɖe. Keteŋga kpeekpe taa tɛtɛ kpɩna ɛzɩ kʊɖʊm ɖɩyɛ kɛ naatozo yɔɔ wɛ pʊŋ taa. Pʊŋ taa ɖɔɖɔ kɛ tɛtɛɛ lɩm kɩpambʊ wɛɛ ɛlɛ ɩ-taa kpaʊ yaa ɩ-taa caaʊ wɛ ɛyaa sakɩyɛ sɔndʊ nɛ kaɖɛ. Pʊŋ wɛyʊ kpɛlɛkʊ siŋŋŋ wɛ kaɖɛ ñɩnɩya sakɩyɛ pɩkɔɔ pɩsɩɩna ɛzɩ pɩnzɩ mɩŋ XVIII kɛ mbʊ yɔ. Mbʊ pʊyɔɔ yɔ pʊŋ taa kɛ pakɩlɩɣ sɩɩnaa sakɩyɛ nɛ sɔsa kɛ kpɛyʊ. Pɩtasɩ lɛ peeɖe kɛ agɔlɔma sɔsɔna sɔɔla wɛʊ. Pʊŋ wɛ ɖɔɖɔ ɛzɩ lona wena awɛ kelekele yɔ nɛ azuluma fɛyɩ ɖɔɖɔ yɔ. Peeɖe heelim kɩbam wɛɛ.