Pierre Ier le Grand

Payaɣ Pierre le Grand hɩɖɛ sɔsɔyɛ se Pierre 1er nɛ palʊla-ɩ agoza fenaɣ kɩyakʊ 30 pɩnaɣ 1672 kɛ Mɔskʊ tɛtʊ taa nɛ ɛsɩ kɔlaɣ fenaɣ kɩyakʊ 28 wiye pɩnaɣ 1725 -Petesiburŋi tɛtʊ kiɖeɖetu taa. Pɩnzɩ 1721 taa kɛ ɛpɩzɩ Rusii ɛjaɖɛ taa wiyao sɔsɔ. Payaɣ ɛ-caa se Alexis 1er nɛ palʊla-ɩ pɩnaɣ 1629 nɛ ɛsɩ pɩnaɣ 1676. Ɛɛkɛ Rusii wiyao ɖɔɖɔ nɛ Pierre 1er ɛnɛ nɛ ɛ-ɖalʊ hɔʊ taa-tʊ, Ivan V paaɖiina Rusii ɛjaɖɛ ɛ-kacalaɣ kewiitu taa, pɩnzɩ 1682 nɛ 1696 taa.

Pɩnaɣ ŋga ɛ-ɖalʊ sɩba yɔ, Pierre 1er ɛnɛ, ɛɖɛɛ nʊmɔŋ ndɩ ndɩ, ɛsʊʊ Erɔpʊ keteŋga ajɛya sakɩyɛ taa nɛ peeɖe ɛnaa se ɛ-ɛjaɖɛ caɣ wayɩ kpem kɛ tɔsʊ tɔm taa. Piyebina nɛ pɩsa nɛ ɛkʊsɩ ɛ-ɛjaɖɛ nɛ ɖɩɖɛɛna ɛsɩndaa lɛ, ɛkpaɣ lɩmaza se Rusii ɛsakuliye nɛ ɖɩ-sɔnzɩ ɛwɛɛ ɛzɩ Erɔpʊ ajɛya lɛɛna taa ŋɩnzɩ yɔ. Ɛnʊ ñaɣna pana nɛ ɛyɔkɩ ɛyaa sɔa tindimiye nɛ sɔnzɩ layaa kpeekpe pɩlɩŋ. Pɩla mbʊ nɛ Rusii tɛtʊ pɩsɩ ɛjaɖɛ nɖɩ ɖɩ-taa ɛyʊ kʊɖʊ;m lɩmaɣzɛ panɩʊ yɔyaa kewiya ɛjɖɛ. Pʊyɔɔ kɛ Pierre le Grand caɣ paa anɩ ɛñʊʊ taa se ɛkɛna Rusii tɛʈʊ taa sɔɖʊʊ sɔsɔʊ.