Piyeloorusi

Piyeloorusi kɛna Eerɔpʋ ilemiye nɛ wɩsɩ ɖɩlɩyɛ taa ɛjaɖɛ naɖɩyɛ nɛ teŋgu nakʊyʊ yaa lɩm nabʊyʊ fɛyɩ se pɩcɔ-ɖɩ nɛ pɩta. Ɛjaɖɛ ɖɩnɛ nɛ naayɛ pasɩna ɖama kamaɣ nɛ ajɛya ana yɔ: hayʊ kiŋ lɛ Lɛtoonii nɛ Lituyaanii wɛna kamaɣ yɔɔ, wɩsɩ ɖɩɖʊyɛ taa lɛ Poolɔñɩ ɛjaɖɛ wɛna nɛ hadɛ kiŋ lɛ Ukrɛɛnɩ wɛna kamaɣ yɔɔ. Ɛjaɖɛ ɖɩnɛ ɖɩkɛna kataŋga sɔsɔɔ nakayɩ nɛ peeɖe ɖɔɖɔ lɛ, laŋ tala ɛzɩ 40 % yɔ kɛ ɛjaɖɛ ɖɩnɛ ɖɩ-walanzɩ kpeekpe taa.

Piyeeloorusi Biélorussie
Peyibaa tɛlɛŋa
Piyeeloorusi Kɩɖaʋ kɩdɛɛka Piyeeloorussi Ɛjaɖɛ tɛ tampaɣ
Tʋmɩyɛ taa kʋnʋmɩŋ:	.
Tɛtʋ sɔsɔtʋ:	.
Ɛjadɛ kɛ mbʋ yɔ:	.
Ɛjaɖɛ ñʋʋdʋ:	Ɖajaa Alexander Lukashenko
Ɛjaɖɛ walanzɩ:	207,595 km²
Samaɣ ñʋʋ:	9,498,700 (2015)
Tɛtʋ hɔɔlʋʋ samaɣ ñʋʋ:	401.6 km²
Internet nimaɣ:	.by

Pamaza Piyeelorusi ɛjaɖɛ ɖɩnɛ ɖɩ-walanzɩ lɛ, panaa se ɖɩ-walanzɩ talɩ 207 600 km2 nɛ ɖenɖe lɩm wɛɛ yɔ, peeɖe takɩlɩ ɖɔʊ. Ɖooo pɩnaɣ 2016 taa pakalɩ kɩgalʊʊ kɛ ɛjaɖɛ ɖɩnɛ ɖɩ-taa lɛ pana ɛyaa ɛzɩ 9 498 700 yɔ. Ɛjaɖɛ ɖɩnɛ ɖɩ-taa yee pakalɩɣ ɛyaa km2 taa kɔyɔ, panaɣ-wɛ ɛzɩ 45,80 yɔ. Kɩyɛna fenaɣ 25 pɩnaɣ 1991 kɛ ɛjaɖɛ ɖɩnɛ ɖɩmʊ ɖɩ-tɩ yɔɔ wɛʊ. Payaɣ Piyeelorusi ɛjaɖɛ ñʊʊdʊ kɩfalʊ se Alexandre Loukachenko nɛ kewiyaɣ ñʊʊdʊ yɔ Andreï Kobiakov.

Kʊnʊmɩŋ weyi pakɩlʊʊ yɔɔdʊʊ ɛjaɖɛ ɖɩnɛ ɖɩ-tɛ komina tʊma taa nɛ pawɩlʊʊ-kʊ sukulinaa taa ɖɔɖɔ yɔ, ɩnʊ lɛ piyelorusi nɛ rusi. Ɛjaɖɛ ɖɩnɛ ɖɩ-taa tɛtʊ sɔsɔtʊ payaɣ se Minski nɛ ndʊ tɩkɩla walanzɩ ɖɔɖɔ. Yee ɛyʊ ɛsɔɔlaa se ɛyaa nɔɔyʊ kɛ kaŋgalafu yɔɔ ɛjaɖɛ ɖɩnɛ ɖɩ-taa kɔyɔ, pɩkɛna-ɩ kɩjɛyʊʊ se ɛma +375 ɛ-tɛ kaŋgalafu kpata yɔɔ pʊcɔ ŋɛ ɛɛma pɩtɛ ɛyʊʊ kaŋgalafu nimaɣ mayaɣ. Pakpazʊʊ ɛjaɖɛ ɖɩnɛ ɖɩ-kɩɖaʊ kɛdɛɛka nɛ pɛtɛ lɛ, wendu ndʊ peteɣu yɔ ndʊ lɛ se Ɖaa lɛ Piyelorusi ñɩma.

Liidiye nɖɩ pɔtɔkɩ-ɖɩ peeɖe yɔ payaɣ-ɖɩ se Ruubli piyelorus.