Sagrada Familia

Sagrada Família kɛ kuduyuu sɔsɔʊ ŋgʊ patama ɛzɩ lɛɛŋ yɔ. Pɩnaɣ 1881 taa kɛ ɛsɔ sɛtʊ mba mba patɩmʊna Ɛsɔ nɛ patɩngʊna Yosefu kiɖeɖeu yɔɔ yɔ, pɔyɔɔdɩna Josep Maria Bocabella se ɛsɩna-wɛ nɛ pama ɛsɔsɛtʊ kpaaŋ sɔsɔʊ nakʊyʊ. pɩla mbʊ lɛ, pɔcɔɔ Malɔrka, Marina, nɛ Sardanya haba yɔɔ nɛ pasʊlɩmɩ Ɛsɩpaañɩ ɛjaɖɛ taa liidiye ɛzɩ 172 000 yɔ. Tam ŋga paawɛna yɔ, ŋga lɛ se pama ɛsɔ sɛtʊ kpaaŋ nɛ payaa-kʊ se Hɔʊ kiɖeɖeu. Hɔʊ kiɖeɖeu ŋgʊ lɛ Yosefʊ kiɖeɖeu, Pɛlɛ Maria nɛ Yeesu. Pa-lɩmaza ana aasɩʊna ɛsɔ sɛtʊ kpaamɩŋ maʊ ɛlɛ pamaɣ ɖɔɖɔ sukulinaa.

Weyi pɛcɛla kuduyuu kʊnɛ ki-kpalaahuwa lʊʊ yɔ, ɛnʊ lɛ Joan Martorell i Montells. Pɩnzɩ naatozo wayɩ lɛ, ɛcɛlɛ tʊmɩyɛ ɖɩnɛ kɛ ɛ-pɩyalʊ weyi ɛwɛ ɛ-cɔlɔ nɛ ɛkpɛlɛkʊʊ tʊmɩyɛ yɔ, Gaudí. Alɩwaatʊ ndʊ tɩ-taa lɛ, Gaudí kaawɛna pɩnzɩ 3̄1. Ɛ-tamaɣ ŋga ɛɖʊwa se pamana kuduyuu ŋgʊ yɔ, kaakɛdɩna paa-anɩ. Ɛɖʊwa se pama talɩmɛnɖɛɛnaa 5 nɛ mondoɖe naɖɩyɛ ɖɩwɛɛ ɛzɩ kamaŋgaɣ yɔ. Pama ɖɔɖɔ kɩ-taa ɖoli nɛ peeɖe wɛɛ kulukulu piyele awayɩ kiŋ lɛ pama ɖenɖe ɛyaa ɖɔŋ landamm yɔ. Kuduyu ŋgʊ kɩwɛʊna nɔnɔsɩ naatozo nɛ aɖakasɩ kulukulu ñɩnzɩ nasɩyɛ kɛ 18.

Aɖakasɩ nzɩ sɩ-taa lɛ 12 wɩlʊ apostolowa, naanza ñɛkɛna Yeesu tɔm kiɖeɖetu mayaa. Tɔm kiɖeɖetu ndʊ tɩtɛ aɖakasɩ kʊkʊyɩmɩŋ taa wɛʊna mɛtanaa ɛzɩ 135 yɔ. Aɖakasɩ 18 nzɩ sɩ-taa lɛ, pamaɣ ɖoli kɛ pɛlɔ Maria kiɖeɖeu nɛ ɛ-ñʊʊtaa nɛ tanaŋ tɛɛ tɩmbalʊ nɛ kɛ-tɛ kʊkʊyɩmɩŋ taa wɛʊ mɛtanaa ɛzɩ 127,50 yɔ nɛ ŋgʊ kɩkɩla kʊƴʊʊ yɔ kɩwɛʊna mɛtanaa 172,50 nɛ kɩwɛʊ kpaaŋ ŋgʊ kɩ-hɛkʊ taa nɛ peeɖe kɛna Yeesu. Ɛsɔ sɛtʊ kpaaŋ kʊnɛ, Gaudí sɔɔla se pʊtɔzɩ Yeesu Kristʊ caanaʊ tɩsʊʊ tɔm tɩŋga. Nɔnɔsɩ naatozawaa lɛ pɩkɛna Yeesu wezu caaʊ tɩŋga: ɛ-lʊlʊuʊ, e-siziŋ nɩʊ nɛ e-femtu.

Aɖakaɣ ŋga kɛwɛ kulukulu yɔ kawɩlʊ lanhɛzɩyɛ nɖɩ ɖɩwɛ Jeruzalɛm yɔ. Kudɩyu kʊnɛ kɩtɛtɛ maʊ pʊcɔ Antoni Gaudí sɩkɩ. Ɛsɩba mɩsɩkʊm fenaɣ 12wiye pɩnaɣ 1926 nɛ pepimi-i cɔɔcɩ ŋgʊ payaɣ-kʊ se Ɛsɔ Ɖoo yɔ kɩ-taa kɛ Ɛsɩpaañɩ ɛjaɖɛ taa.