Samaɣ aleɣya

Samaɣ aleɣya kɛna aleɣya wena ɛyaa sakɩyɛ tɔʊna-kʊ yɔ. Aleɣya anɛ afɛyɩ ɛzɩ wena kʊɖʊm ɖeke pɩzʊ ɛtɔ-ɛ yɔ. Kpaɣ ɛyaa naalɛ nɖɛɛ kɛ palakɩ aleya ana. Aleɣya kɛna mbʊ ɛyʊ lakɩ se ɛkʊ alɩwaatʊ yɔ. Paa aleɣya wena awɛna a-paɣtʊ, awɛtʊ nɛ alakasɩ nzɩ lɛlʊ tɩŋgʊna nɛ ɛwa ɛ-taabalʊ yɔ. Aleɣya anɛ a-kawazaɣ kɛlɛ se ɛyʊ leɣyʊ mbʊ nɛ ɛhɛzɩna ɛ-laŋgɩyɛ alɩwaatʊ ndʊ ɛlaba tʊmɩyɛ nɛ pɩnɩ-ɩ camayɩ yɔ. Pɩkɛna ɖɔɖɔ heelim mʊʊ.

Pɩsɩŋna ɛyʊ nɛ ɛ-ñʊʊ hɛzɩna lɩmaɣza naayɛ. Pɩtasɩ ɖɔɖɔ pɩsɩŋna-ɩ ɖɔɖɔ nɛ ɛ-ñʊʊ taa ɖɔŋ lɔŋlɔŋ. Samaɣ aleɣya anɛ awɛ ndɩ nɛ wena palakɩ-ɛ nɛ kɛlɛm kɛlɛmnaa taa yɔ yaa wena alɛ ñɛkɛna tɔmnaɣ taa kpetaɣ ñɩna yɔ. Paa nɛ pɩɩwɛ kaɖɛ pazɩ se ɛyʊ ɛpazɩ ɛɖʊ tʊkaɣ kɛ aleɣya anɛ nɛ tɔmnaɣ taa kpeetaɣ kɔ yɔ. Patɩlʊ samaɣ aleɣya anɛ nɛ wɛtʊ ndɩ ndɩ. 1. Awɛna a-paɣtʊ. Paɣtʊ ndʊ tʊtʊ ñɛwɛ wɛtʊ caɖɩɩɩ 2. Mba palakɩ aleɣya ana yɔ, pɩwɛɛ se kpaɣ naalɛ nɛ ŋɖɛɛ. Ɛyʊ kʊɖʊm pɩzʊ eleɣi ɛlɛ ɛsɩʊ aŋcaʊ ɖeɖe; 3. Wondu ndɩ ndɩ wɛʊ nɛ tɩ-taa kɔyɔ: tebli nɛ kɩ-salaala, takayɩsɩ kɩkpɩndasɩ nzɩ sɩ-yɔɔ pama tɔm yɔ, ɖɩcaɣyɛ kɩpanɖɛ wɛʊ, kpeŋgbena wena patʊlɩ-ɛ pɔŋ yɔ, piyɔŋ, takayɩsɩ hatʊ, kɩmamaŋ yaa tɔm cɩkasɩ.