Sarah Bernhardt
| Sarah Bernhardt | |
 | |
| Informa | |
| Ɛ-ɛjaɖɛ | Fransɩɩ |
| Ɛ-tʋmɩyɛ | Amʋʋza laɖʋ |
| Ɛ-ɖɩlʋlɩyɛ | Paarii, Fransɩɩ |
| E-efemiye kɩlʋlɩyɛ | Aloma fenaɣ kɩyakʋ 22/23 n̄ɩŋgʋ wiye, pɩnaɣ 1844 |
| Ɛ-ɖɩsɩbɩyɛ | Paarii, Fransɩɩ |
| E-efemiye kɩsɩbɩyɛ | Lakɩŋ fenaɣ kɩyakʋ 26 n̄ɩŋgʋ wiye, pɩnaɣ 1923 |
| |
Palʊla Sarah Bernhardt kɛ aloma fenaɣ 25 wiye pɩnaɣ 1844 kɛ Paarii tɛtʊ taa nɛ ɛsɩ lakɩŋ fenaɣ 26 pɩnaɣ 1923 kɛ tɛtʊ kʊɖʊmtʊ ndʊ tɩ-taa ɛɛwɛna pɩonzɩ 78. Ɛ-hɩɖɛ sɔsɔyɛ kɔyɔ Sara-Marie-Henriette Bernhardt. Ɛ-lʊlʊʊ takayaɣ fɛyɩ kpayɩ kpayɩ pɩlɩɩna alɩwaatʊ ndʊ pɔñɔta Paarii tɛtʊ taa lʊlʊʊ takayɩsɩ ɖɩlaɖɛ yɔ. Nabɩyɛ yɔɔɖʊʊ se palʊla Sarah Bernhardt kɛ aloma fenaɣ kɩyakʊ 22 yaa 23 pɩnaɣ 1844. Lalaa sepɩkɛʊna hasɩyaɖɛ fenaɣ taa paa pɩnaɣ 1844, lalaa cɔlɔ kpem yɔ, pɩkɛʊna pɩnaɣ 1843 yaa 1841.
Ɛ-tʊmɩyɛ sɔsɔyɛ kɛlɛ maɣzʊ yaa weyi ɛlakɩ tanaʊ yɔ. Ɛ-tʊma lɛɛna yɔ: ɛmaɣ maɣzʊʊ takayɩsɩ kɩkalɩsɩ, tɔlɩm taʊ nɛ sɩʊ kpelasɩ yaa anjaʊnaa saɣʊ. Pɩnzɩ 61 (1862-1923) kɛ ɛlaba ɛ-tʊma nɛ ɛna Edmond Rostand, Marcel Proust nɛ Oscar Wilde pakɩlɩna tʊma labʊ. Ɛ-wɩlɩyʊ sɔsɔ kɔyɔ Jean-Baptiste Provost. Ɛwɛ pɩnzɩ mɩnɩŋ XIX nɛ XX taa mba pakɩlɩ tanaŋ labʊ kɛ Fransɩɩ ɛjaɖɛ taa, pa-taa. Victor Hugo ñɛɖɛɣʊ-ɩ se nɔɔ nɩɩnɩ-tʊ yaa ɛ-nɔɔ taa wɛ leleŋ ɛzɩ ñɩɣlɩm yɔ, lalaa se ɛsɔtaa abiɖe.
Ɛwɛ Fransɩ ɛjaɖɛ taa mba pakɩlɩ maʊ maɣzʊ takayɩsɩ kɩkalɩsɩ yɔ pa-taa kɛ pɩnzɩ mɩnɩŋ XIX. Sarah Bernhardt kɛna kɛlɛm kɛlɛm waa taa ñekele tʊ kacalaɣ ñɩnʊ weyi ɛcɔ ajɛya ndɩ ndɩ taa yɔ. Ɛwoba Afrika, Amerika, Azii, Oseyanii nɛ Erɔpʊ ajɛya taa. Ɛzɩ Victor Hugo nɛ lalaa ɖɔɖɔ yɔ, Jean Cocteau ya Sarah Bernhardt se Kiliu sɔnʊʊ kɩɖeɖeu. Payaɣ e-ɖoo se Judith-Julie Bernardt (1821-1876) nɛ ɛsɛɛ hɩɖɛ se Youle, nɛ ɛkɛ Neyɛrlandɩ tʊ. Nɔɔyʊ ɛsɩŋ e-ɖoo ɛnʊ ɛ-caa nɛ Sarah tɔyɔɔdɩ ɛ-cɔzɔ ɛnʊ ɛ-tɔm natʊyʊ ɖɔɖɔ.