Ñɔɔzɩtʋ hɛkʋ taa tʋkaɣ

Palʋla ɖajaa Wole Soyinka [[hasɩyaɖɛ fenaɣ]] kɩyakʋ hiu nɛ naadozo ñɩŋʋ wiye, pɩnaɣ [[1934]] taa. Palʋla-ɩ [[Naajeeriya]] ɛjaɖɛ taa, Abeokuta tɛtʋ taa. Wole Soyinka kɛ takayɩsɩ mayʋ sɔsɔ kpem. Halɩ paha-ɩ takayɩsɩ maʋ samtʋ nimiye pɩnaɣ [[1986]] ñɩŋa taa. [[Afrɩka tɛtʋ wandamm|Afrɩka]] tɛtʋ taa, pʋ-tɔbʋʋ se ɛyaa kɩkpɛdaa takayɩsɩ mayaa tɩŋa payɩ taa lɛ, Wole Soyinka pacalɩ haʋ takayɩsɩ maʋ samtʋ nimiye ńɖɩ.

Takayɩsɩ mayʋ, Wole laba e-sukulinaa sɔsaa Ibadan tɛtʋ taa nɛ Leeds ñɩndʋ taa. Ibadan tɛtʋ wɛ Naajeeriya ɛjaɖɛ taa. Piyele Leeds tɛtʋ ñɛwɛ [[Aŋgɩlɩtɛɛrɩ|Aŋgletɛɛrɩ]] ɛjaɖɛ taa.

Takayɩsɩ mayʋ sɔsɔ Wole Soyinka tɛma e-sukulinaa sɔsaa ḿba labʋ lɛ, ɛpaɣzɩ labʋ tʋmɩyɛ, tʋmɩyɛ ɖɩlaɖɛ nɖɩ payaɣ se « Royal Court Theatre » yɔ ɖɩ-taa. Royal Court Theatre tʋmɩyɛ ɖɩlaɖɛ wɛ [[Lɔndrɩ]] tɛtʋ taa Aŋgletɛɛrɩ ɛjaɖɛ taa.