Ñɔɔzɩtʋ hɛkʋ taa tʋkaɣ
Création d'une page Émirats arabes unis |
(Aucune différence)
|
16 Lakɩŋ fenaɣ 2016 à 18:24 wiye ñɔɔzɩtʋ kɩlɛɣzɩtʋ
Emiraatɩ-Araabʊ Unii kɛna ajɛya cɩkpena nayɛ kɩkpɛndɩɣ ɛjaɖɛ naɖɩyɛ nɛ ɖɩwɛ Mʊwayɛŋ-Oriyaŋ taa. Ɛjaɖɛ ɖɩnɛ ɖɩñɔ ɖooo pɩnaɣ 1971 taa.
Ɖɩwɛ Mʊwayɛŋ-Oriyaŋ taa kɛ Kɔlɩfɩ -Pɛrɩsikɩ nɛ Omanɩ-Kɔlɩfɩ pɛhɛkʊ taa. Ajɛya cikpena wena akpɛnda nbɛ payaɣ se Emiraatɩ-Araabʊ Unii yɔ, ana ya: Abuu Dabi, Ajimanii, Sarija, Dubayɩ, Fujayira, Ras ɛl Kayima Uumm al Qayiwayɩŋ. Ajɛya anɛ cikpena kɩkpɛndɩɣ ɛjaɖɛ ɖɩnɛ, ɖɩ-tɛtʊ sɔsɔtʊ kɛ payaɣ se Abuu Dabi.
Emiraatɩ-Araabʊ Unii tɛ kɩgaʊ aŋgba ɛnɛ awɛ kedeŋa kpeekpe ajɛya wena a-taa kaɖɩzɩm wɛɛ nɛ pɛpɛdɩɣ-pʊ nɛe ajɛya lɛɛna yɔ a-taa.
Emiraatɩ-Araabʊ Unii ɛjaɖɛ ɖɩnɛ ɖɩwɛ ajɛya kpeekpe kɩkpɛndɩɣ ŋgbɛyɛ nɖɩ ɖɩcɔŋna tɛtɛɛ ñɩm mbʊ payaɣ se kaɖɩzɩm yɔ pɛ-ŋgbɛyɛ nɖɩ payaɣ se OPEP yɔ ɖɩ-taa. Pɩtasɩ ɖɔɖɔ lɛ, peeɖɛ ɛjaɖɛ cikpeɖe nɖɩ payaɣ-ɖɩ se Abuu Dabi yɔ, ɖɩɖɩ ñaatɛma OPEP ŋgbɛyɛ taa wɛʊ pʊcɔ nɛ ɛjaɖɛ sɔsɔyɛ nɖɩ payaɣ sɔnɔ se Emiraatɩ-Araabʊ Unii yɔ ɖɩñɔʊ. Pɩwɛɛ mbʊ ɖɔɖɔ lɛ, tɛtʊ yaa ɛjaɖɛ cikpeɖe nɖɩ payaɣ se Dubayɩ yɔ, ɖɩ-taa kɛ tɔsʊʊ nɛ ñɩm pakɩlaa.