Kpɩtaʊ

Kpɩtaʊ kɛna alɩwaatʊ taa alɩwaayʊʊ nakʊyʊ nɛ kɩkɩla evemiye kɛ ɖaalʊʊ. Pʊtɔbʊʊ se yee ñɩɩtʊ 24 ñalakɩna evemiye kʊɖʊmɖɩyɛ kɔyɔ, avema lʊbɛ ñalakɩna kpɩtaʊ kʊɖʊmʊʊ nɛ kpɩtaʊ taa paa kɩyakʊ ŋgʊ lɛ kɩna kɩ-hɩɖɛ nɛ kɩyakɩŋ ɩnʊʊ yɔ: hodo, piya, cɩla, sarakawaɣ, kemeɣa, mazaɣ, kujuka.

Kpɩtaŋ naanza lakɩna fenaɣ kʊɖʊmaɣ ɛlɛ, pɩtɛkɛ fenasi tɩŋa wɛŋna kɩyakɩŋ ɖeyi ɖeyi. Lɛlaɣ fenaɣ wɛna kɩyakɩŋ 28 yaa 29, nɛ lɛɛsɩ taa lɛ kɩyakɩŋ 30 nɛ fenasɩ lɛɛsɩ ñɛwɛna kɩyakɩŋ 31. Pɩnaɣ taa kpɩtaŋ 52 yaa 53 wɛna nɛ kɩyakiŋ 365 yaa 366.

Ɖooo kiɖe tɛɛ ɛlɛ, pɔtɔŋ se Ɛsɔ lɩza ɛjaɖɛ nɛ kɩyakɩŋ looɖo nɛ lubɛ ñɩŋgʊ wiye ɛlɛ ɛhɛzɩ. Krɩstʊ mba nabayɩ cɔlɔ ɛlɛ, kujuka kɛŋna kɩyakʊ kɩhɛzʊʊ nɛ lɛɛba ɛlɛ, mazaɣ. Malɩŋ ɛsɔ sɛyaa cɔclɔc ɛlɛ, kemaɣa kɩŋna kɩyakʊ ŋgʊ palɩza se pɛsɛɛ-ɩ yɔ. Ñɩɩnɩya ɛtɛlɛmwaa c;colɔ ɛlɛ, ñʊʊ l7 kɛna hama ñʊʊ. Mezopotamii taa, evemiye 7 ñɩnɖɛ kɛna ɛzaʊ evemiye. Pʊ-yɔɔ kɛ paɖʊ paɣtʊ se fenaɣ taa kɩyakʊ 7, 14 nɛ 28 ñɩŋgʊ wiye pataala tʊmɩyɛ naɖɩyɛ.