Ñɔɔzɩtʋ hɛkʋ taa tʋkaɣ

Hɔɔlɩŋ sɔsɔŋ naalɛ wɛna Ɔɔrɩdɩnatɛɛrɩ yɔɔ:

Kajalaɣ hɔɔlʋʋ wɛ ɛzɩ n̄ɩnʋʋ yɔ. Tʋmɩyɛ nɖɩ ɛyʋ lakɩ yɔ, kʋ-yɔɔ pɩnaɣ-ɖɩ. Hɔɔlʋʋ ŋgʋʋ payaɣ se, "Ecran". Yee hɔɔlʋʋ ŋgʋ kɩsɩba yɔ, Ɔɔrɩdɩnatɛɛrɩ sɩba ɖɔɖɔ.

Hɔɔlʋʋ naalɛ n̄ɩŋgʋ yɔɔ masɩ tɩŋa wɛɛ. Masɩ ńzɩ ɛyʋ sɔɔlaa maʋ yɔ, sɩ-yɔɔ ɛn̄ɩkɩɣ nɛ sɩlɩɣ hɔɔlʋʋ ŋgʋ kɩwɛ ɛzɩ n̄ɩnʋʋ mbʋ yɔ kɩ-yɔɔ. Kɩ-hɛkʋ taa ɖoli ɖɔɖɔ pan̄ɩkɩɣ nɛ "holu" ɖɔŋ. Nabʋyʋ taa yɔ, Ɔɔrɩdɩnatɛɛrɩ pɩzɩɣ kiɖi nɔɔkʋɖʋmaɣ. Ɛlɛ, kiɖim mbʋ yɔ, kɩwɛɛ kɩn̄ɔɔzʋʋ mbʋ payaɣ se "Programes waa " yɔ kʋn̄ɔɔzʋ. Kɩtɛŋ lɛ, kɩɖaɣnʋʋ pazʋʋ kʋ-tʋmɩyɛ nɖɩ ɛyʋ lakaɣ kɩ-yɔɔ yɔ.

Kpaɣ pɩnaɣ 1834 nɛ puwolo pɩnaɣ 1837 taa ɖajaa Charles Babbage luba akɔnta n̄ɩɣyʋʋ nakʋyʋ nɛ ɛsɔzɩna mba ɖajanaa panɛ: Blaise Pascal nɛ Jacquard n̄aaluba yɔ. Kaarɩtɩnaa nabɛyɛ, pɔ-yɔɔ nɛ pɔŋ n̄ɩɩɩ n̄ɩɩɩ waa. Pɔ-yɔɔ pawɩlɩɣ ɛzɩma mbʋ ɛyʋ ɛla akɔnta nɛ n̄ɩɣyʋʋ ŋ́gʋ yɔ. Kajalaɣ n̄ɩɣyʋʋ ŋgʋ kɩlɛɣzɩ ɛyʋ lɛɣtʋ lone taa yɔ, paya-kʋ " Pascaline". Alɩwaatʋ ńdʋ tɩ-taa Charles Babbage maɣzaa nɛ elu wondu ndɩ ndɩ ndʋ tɩwɛ Ɔɔrɩdɩnatɛɛrɩ kɩfalʋʋ yɔɔ yɔ tɩ-taa natʋyʋ sakɩyɛ. Babbage n̄ɩna e-wezuu caɣʋ taa se, elu Ɔɔrɩdɩnatɛɛrɩ ŋgʋ kɩpɩzɩɣ kɩmaɣzɩ ɛzɩ ɛyʋ maɣzʋʋ yɔ, ɛlɛ ɛtpɩzɩ. Ɛyaa sakɩyɛ n̄ɩnɩ alɩwaatʋ ndʋ tɩ-taa se polubi-kʋ, ɛlɛ, patapɩzɩ ɖɔɖɔ.