Panama

Panama kɛna Amerika ilemiye hɛkʊ taa ɛjaɖɛ naɖɩyɛ. Ajɛya wena acɔ-ɖɩ nɛ ata yɔ anaa yɔ Kɔstaarika nɛ Kolɔmbi. Pamaza Panama ɛjaɖɛ ɖɩnɛ ɖɩ-walanzɩ lɛ, panaa se ɖɩ-walanzɩ talɩ 75 420 km2. Pɩnaɣ 2015 taa pakala kɩgalʊʊ ɛjaɖɛ ɖɩnɛ ɖɩ-taa lɛ, pana ɛyaa ɛzɩ 3 657 024 yɔ nɛ pa-taa lɛ, miliyɔɔnaa ɛzɩ 1,426 wɛ tɛtʊ sɔsɔtʊ taa.

Ɛjaɖɛ ɖɩnɛ nɛ ajɛya wena azɩ ɖama nɛ kamaɣ yɔ, pɩtalɣ ɛzɩ kilomɛtanaa 555 yɔ. Ɛjaɖɛ ɖɩnɛ nɛ Kɔstaarika lɛ walanzɩ talɩɣ ɛzɩ 330 yɔ piyele ɖɩnɛ Kolɔmbi lɛ pɩmaɣna kilomɛtanaa ɛzɩ 225. Lɩm fɛɛʊ ŋgʊ payaɣ-kʊ se Atɩlantiki yɔ kɛwɛna ɛjaɖɛ ɖɩnɛ nɛ ɖɩ-hayʊ kiŋ pɩkazɩ nɛ ɖɩ-hadɛ kiŋ lɛ, lɩm fɛɛʊ ŋgʊ payaɣ se Pasifiki yɔ, ŋgʊ wɛna. Kidiiliŋ ɖaɣlakɩŋ taa wɛ ɛzɩ kilomɛtanaa 2 490 yɔ.

Ɛsɔ sɛtʊ ŋgba wena awɛ peeɖe yɔ anaa yɔ: katolika mba ( 70 %), Protɛsɩtaŋ ( 19%), ɛyaa yem yɔ, pʊtɔbʊʊ se paasɛɣ ɛsʊɔ nɔɔyʊ yɔ patalɩ ɛzɩ ɛyaa 7 yɔ kɛ mɩnɩuʊ yɔɔ nɛ aŋgba lɛɛna taa mba ñɛwɛ ɛzɩ ɛyaa 4 kɛ mɩnɩʊ yɔɔ.