Tɛtɛɛ ñɩɣlɩm mbʊ payaɣ se arɩzaɣ yɔ. Pɩkɛ kɛ siimii wonuu nakʊyʊ. Pɩkɛ ɖɔɖɔ ñɩɣlɩm wonuu nakʊyʊ. Pama se «Ag» yɔ, pɩwɩlɩɣ se pɩkɛ. Arɩzaɣ mayaɣ kɛ 47. Nabʊyʊ taa yɔ, payaɣ arɩzaɣ se metaliki yaa arɩzaɣ metalɩ. Ɛlɛ, tɔsʊʊ laɖaa ñaɖʊ tokaɣ nakɛyɛ arɩzaɣ metalɩ nɛ arɩzaɣ ñɩɣyʊʊ pɛ-hɛkʊ taa. Papa kpaɣ arɩzaɣ ñɩɣyʊʊ se ŋgʊʊ palakɩna tʊmɩyɛ tɔsɩŋ nʊmɔŋ taa.

Hɔɔlɩŋ weyi ɛ-taa palakɩna arɩzaɣ nɛ tʊmɩyɛ yɔ ñɔɔzɩ

Palakɩ arɩzaɣ nɛ tʊmɩyɛ sowɛyerii (joaillerie) nɛ Ɔrɩfɛvrerii (orfèvrerie) pa-taa. Hɔɔlɩŋ ɛnʊ ɛ-taa lɛ, pakpaɣ arɩzaɣ se kɩkɛ metalɩ kɩñɩlɩnzʊʊ. Pakpaɣ-kʊ ɖɔɖɔ se kɩkɛ metalɩ ŋgʊ pohuuzuuna nabʊyʊ yɔɔ yɔ. Metalɩ ŋgʊ lɛ, kalɩvanoplastii (galvanoplastie) lɛɣtʊ palakɩna-kʊ.
Palakɩ liidiye pɔɔyasɩ nɛ arɩzaɣ ñɩɣyʊʊ.

GeorgianCanteenLaidOut

Pɩnaɣ 1976 taa arɩzaɣ ñɩɣyʊʊ palabɩna liidiye pɔɔyaɣ nɩɩnʊwa Fransɩɩ ɛjaɖɛ taa.
Palakɩ-kʊ nɛ tʊmɩyɛ ɖɔɖɔ elɛkɩtroniki nɛ laatriki pa-nʊmɔŋ taa. Mbʊ pʊyɔɔ yɔ, arɩzaɣ ñɩɣyʊʊ hɔŋ laatriki miŋ nɛ pɩkɩlɩ [[kwivri] ñɩɣyʊʊ. Ñɩɣtʊ ndʊ tɩhɔŋ laatriki miŋ payɩ yɔ tɩ-taa lɛ, arɩzaɣ ñɩɣyʊʊ kɩlɩɣna laatriki miŋ hɔm.
Palakɩ ɖɔɖɔ arɩzaɣ ñɩɣyʊʊ nɛ tʊmɩyɛ fotonaa lɩzʊʊ lɛɣtʊ nʊmɔʊ taa.
Minziiki nʊmɔʊ taa ɖɔɖɔ palakɩ arɩzaɣ ñɩɣyʊʊ nɛ tʊmɩyɛ pɩdɩɩfɛyɩ. Mbʊ pʊyɔɔ yɔ, kɩ-ñɩɣyʊʊ palakɩna minziiki ndɩ ndɩ.
Arɩzaɣ ñɩɣlɩm ñɩɣyʊʊ tɔtɔyɩ, mbʊ labɩna nabɛyɛ ñɔtɔŋ se kɩtatɩɩfɛyɩ.