Wezuu kpɛlɛkɩya cɔlɔ lɛ, tɛtɛ kpɩnɛ kɛna wonuu ŋgʊ kʊtɔkɩ yem yem yɔ. Yɔɔdaɣ taa lɛ, payaɣ se kpɩnɛ yaa tɛtɛ kpɩnɛ yɔ, pɩkɛna tʊkaɣ ŋga pɩwɛɛ se paɖʊ kpɩnɛ nɛ ɛyʊ pɛ-hɛkʊ taa. Payaɣʊ ɖɔɖɔ se tɛtɛ kpɩnɛ yɔ tʊkaɣ nakayɩ wɛ anɛ kpɩna cikpena ɛzɩ nakaŋ yɔ pɩhɛkʊtaa. Kpɩna kpɛlɛkʊʊ tɩnaa yɔɔdʊna tɛtɛ kpɩna yɔɔ tɔm camɩyɛ. Paa tɛtɛ kpɩnɛ nɖɩ pɩweɛna-ɖɩ kɩcɛyʊ se ɖɩwɛɛna lɩm, tiyokisizɛnɩ nɛ tɔɔnaasɩ ndɩ ndɩ yaa yɛɖɛ yɛɖɛ. Tɛtɛ kpɩna tɔkʊʊ tɔɔnasɩ ndɩ ndɩ nzɩ yɔ, sɩwaɣ-yɛ tomnnasi taa ɖoŋ, hundu yɔʊ, sɔŋ yaa sɔzɩŋ ndɩ ndɩ nɛ mɔɔ taa ɖoŋ.

Ɛzɩ mbʊ mbʊ pifezuu yɔ, lɩm kɛna tɔɔnaɣ ŋga kɛwɛ kɩcɛyʊ siŋŋŋ ŋga pɩwɛna tɛtɛ kpɩna se awɛɛna nɛ ahiu mbʊ pʊpɔzʊʊ-yɛ yɔ. Tɛtɛ kpɩna wɛ ndɩ ndɩ. Naayɛ wɛɛ lɛ, a-yɔɔ nɛ pɔɔya nɛ a-taa kɔyɔ mukuuliŋ, caafela, kʊŋgʊ tɛyɩŋ, kamayɩŋ. Lɛɛna lɛ a-ñʊŋ yɔɔ kɛ naŋgbanzɩ nɛ payaa-yɛ se ñʊʊ yɔɔ naŋgbanzɩ kpɩna. Kpɩna naayɛ wɛ lɛ awɛna fekeditu naalɛ. Tɛtɛ kpɩna naayɛ wɛɛ lɛ, afɛyɩna mɔɔ a-toma taa nɛ a-taa kɔyɔ kpalaacɩnjɩnzɩ. Kpalacɩnjɩŋga pɩzʊ kɛsɛtɩ ɛlɛ paa hɔɔlʊ ŋgʊ kɩtaŋ. Lɩm tɛɛ wondu wɛ, tataa kpɩna wɛɛ nɛ ɛsɔtaa sʊmasɩ wɛɛ.

Keteŋga kpeekpe yɔɔ tɛtɛ kpɩna wena pazɩma nɛ pakalɩ-yɛ yɔ awɛʊ ɛzʊ 1 250 000 yɔ. Ñɩnɩya nabayɩ tɔŋ size tɛtɛ kpɩna wena awɛɛ yɔ atalʊ ɛzɩ kutokiŋ ɛkpɔŋ hiu yɔ nɛ kʊtokiŋ ɛkpɔŋ ɛzɩ mɩnɩʊ yɔ kaatɛma wɛʊ ɛzɩ ɖooo ɛyʊ wɛʊ ketyeŋga yɔɔ yɔ. Pɩnaɣ 2011 yɔɔdʊ se lɩm tɛɛ tɛtɛ kpɩna wena awɛɛ yɔ atalʊ ɛzɩ 2 150 000 piyele tɛtʊ yɔɔ ñɩna ñɛwɛʊ ɛzɩ 7 770 000 yɔ.