Tɛtʋ hɛkʋ nɛ hɛkʋ taa kejeyaɣ

Tɛtʊ hɛkɛ nɛ hɛkʊ taa kejeɣa kɛ kandɩ mankandɩ mayaɣ nɛ pɛhɛ-kɛ ɛsɔtaa yem nɛ paanaɣ-kɛ nɛ ɛsɛ anɛ elɛ ŋga tɛyʊna tɛtʊ nabʊlɛ taa: hayʊ kiŋ nɛ hadɛ kiŋ. Payaɣ keteŋa tɛtʊ hɔɔlɩŋ ɛnʊ ɛnɩɩlɛ se tetʊ putuula. Kamaɣ ŋga kɛwɛ tɛtʊ putuula ana anaalɛ a-hɛkʊ taa yɔ apaɣzɩna mayaɣ kpɛɖɛ ñɩŋga. Tɛtʊ nɛ hɛkʊ nɛ hɛkʊ mayaɣ kanɛ kɛkɛ ɖɔɖɔ cɛŋa kulu kulu nakayɛ ŋga kɔcɔ tɛtʊ nɛ kata yɔ.

Tɛtʋ hɛkʋ nɛ hɛkʋ taa kajeyaɣ tɛlɛŋa

Tɛtʋ hɛkʋ nɛ hɛkʋ taa kajeyaɣ, Sao Tome

Tɛtʊ hɛkʊ nɛ hɛkʊ mayaɣ kanɛ ka-kʊyɩmɩŋ taa maɣna kpɛɖɛ nɛ ka-ɖalakɩŋ taa wɛ kilomɛtanaa 40 070. Yee pakpaɣ mayaɣ ŋga nɛ tɛtʊ ñʊʊ hayʊ kiŋ yaa hadɛ kiŋ kɔyɔ, pɩmakɩɣna kilomɛtenaa ɛzɩ 10 002 yɔ. Tɛtʊ nɛ hɛkʊ nɛ hɛkʊ taa mayaɣ kanɛ kɛfɛyɩ siɣsiɣ nɛ kɛwɛ kakɩ nɛ tɛtʊ ñʊʊ lɛɛkʊ nɛ lɛɛkʊ pɛ-hɛkʊ taa. Pɩnaɣ pɩnaɣ lɛ, tɛtʊ ñʊʊ tuu pazɩ kɩ-ɖɩwɛyɛ nɛ mbʊ yebina nɛ tɛtʊ hɛkʊ nɛ hɛkʊ taa mayaɣ kanɛ kɛfɛyɩ keɖeɖe paa ɛzɩmtaa.

Tɛtʊ hɛkʊ nɛ hɛkʊ taa kejeɣa kanɛ, pakpaɣ ka-ɖaɣlakɩŋ hɔɔlʊʊ kɔyɔ pɩmaɣna mɛtanaa 6 378 140. Nabɛyɛ tɔŋ se pɩɩtalɩɣ mbʊ nɛ pasɩɣna ka-ɖaɣlakɩŋ kɛ mɛtanaa 6 378 137. Yee mbʊ yɔ, kacalaɣ taa lɛ, ka-ɖaɣlakɩŋ makɩɣna mɛtanaa 40 075 035 nɛ nabʊlɛ taa lɛ pɩsɩɩnaa mɛtanaa 40 075 016.

Pancarte indiquant Tɛtʋ hekʋ nɛ hɛkʋ taa kejeyaɣ, Kɛnɩya ɛjaɖɛ taa

Pɩnaɣ taa pilim lɛ wɩsɩ siki ɖeyi ɖeyi kɛ tɛtʊ hɛkʊ nɛ hɛkʊ taa mayaɣ ŋga kɔ-yɔɔ kɛ tam napʊlɛ ɖeke: lakɩŋ fenaɣ nɛ Salaŋ fenaɣ taa ɖeke. Keteŋa kpeekpe ajɛya taa lɛ, ajɛya wena awɛ kejeɣa kanɛ kɔ-cɔlɔ yɔ, a-taa tɛʊ ɛɛlaɣzɩɣ fem nɛ ɖoo ɖɔɖɔ ɛɛlaɣzɩɣ yʊʊ. Peeɖe ɖɔɖɔ ɖeke koŋ kɛ wɩsɩ nɛ ɖoo pɛwɛ kɩmaŋ pɩnaɣ tɩŋga: ɖoo lakɩ ñɩɩtʊ hiu nɛ naalɛ ɛzɩ wɩsɩ ɖɔɖɔ lakɩɣ ñɩɩtʊ hiu nɛ naalɛ yɔ. Paa nɛ mbʊ yɔ, alɩwaatʊ natʊyʊ talɩɣ lɛ, ɖoo eyuu lɔŋ nɛ tɛʊ ñefeŋ lɔŋ, nɛ nabʊyʊ taa lɛ, ɖoo ñaayuu lɔŋ nɛ tɛʊ nɛ tɛʊ ñefeŋlɔŋ yaa pisidiɣ; ɛlɛ pɩtɛ lakasɩ nzɩ sɩɩlakɩ nɛ pɩla ñɩɩtʊ cabɩ.