Tataɣ kɛna pɔɔyɩŋ weyi ɩwɛ kaaŋ yaa acaza taa yɔ. Tataɣ kɛna ɖɔɖɔ mbʊ pʊbʊwaa nɛ pɩkazɩ pɔɔyɩŋ nɩɩyɛ kɩkazʊʊ yɔ. Pɩkɛna mbʊ pɩtatasɩ wɛʊ alɩwaatʊ tʊnɛ tɩ-taa yɔ. Pɩpɩzʊ pɩkɛna pɔɔƴʊʊ nɔɔyʊ yem yaa ɖɔɖɔ nabʊyʊ nacalɩm yaa pɩ-pɔɔyʊʊ. Pɩpɩzʊʊ pɩkɛna ɖɔɖɔ caanaʊ taa wondu natʊyʊ ndʊ pɔtɔsa-tʊʊ camɩyɛ yɔ. Tɔsʊʊ wondʊ ndʊ tɩ-taa kɔyɔ: mɔɔ, kela, tɩŋ nɩɩyɛ hatʊ yaa ɖɔɖɔ kpɛŋgbɛzɩ nasɩyɛ. Pʊwɛ ɛzɩ pɔtɔŋgʊ se ɛyʊ ɖɛʊ ɛlɛ ɛ-tɔm ɛɛmʊkɩ yɔ. Tatasɩ yɔɔ tʊʊzʊʊ lɩna ñɩnɩyaa mba pɛkpɛlɛkʊʊ caanaʊ wezu tatasɩ yɔ yaa ɖɔɖɔ tɛtʊ maʊ kpɛlɛkɩyaa cɔlɔ, caanaʊ ɛsakuliye tɔm tʊʊzʊʊ nɛ kɩpɩŋjaazɩ tɔm nɛ tɩ-wondu kpɛlɛkɩya pɔcɔlɔ. Pɩlɩɩna tatasɩ ɖɔʊ yaa ɖɔɖɔ sɩ-wɛtʊ ndɩ ndɩ yɔɔ lɛ, sɩpɩzʊ sɩwɛɛna ɖoŋ yaa lakasɩ ndɩ ndɩ nɛ pɩlɩɩna pʊyɔɔ lɛ, sɩpɩzʊ sɩɖɔɔ yaa sɩkpɩlɩ. Pamaɣzʊ wondu ndʊ ndʊ tɩsɩba yaa tɩɖɛwa kɔyɔ, panaɣ se tɩ-tatasɩ yaa tɩ-naacalɩm wɛ ndɩ ndɩ mbʊ pʊyɔɔ yɔ,tɩ-maɣmaɣ tɩwɛna wɛtʊ nɛ lakasɩ ndɩ ndɩ ɖɔɖɔ. Wondu agaza wɛʊ wɛ ndɩ ndɩ nɛ tɛtʊ hɔɔlɩŋ nɩɩyɛ wɛɛ lɛ, peeɖe pakɩlʊ-ɩ naʊ. Yee tatasɩ ɩwɛʊ hɔɔlɩŋ nɩɩyɛ nɛ pɩkɩlʊ lɛɛŋ kɔyɔ, pɩlɩna peeɖe tɛtɛɛ ñɩm cɔlɔ. Kɩpɩŋjaazɩ tɔm nɛ wondu kpɛlɛkɩya tɔŋ se tatasɩ nzɩ sɩkɩla ɖoŋ nɛ ɩɩpʊkɩ yɔ, ɩwɛna pɩnzɩ ɛzɩ mɩliyɔɔna taŋga nɛ mɩnɩʊ.