Tilima sɔsɔna maʊ kaawɛ ɖooo caanaʊ taa nɛ weyi ɩkɩkla leɖiɣu yɔ pana-ɩ Ekɔsɩ tɛtʊ nɛ Ɔrɩkadɩ ñɩndʊ taa. Tilima wena pamawaɣ kookasi taa yɔ, pɩwɩlʊ sɩ-ɖoŋ piyele, ɛyaa sɔsa tindimiye ɛlɛ, kuduyiŋ kɩkpaɖɩŋ kɛ pamaɣ kpaŋgbanʊʊ kpaŋgbanʊʊ. Pɩkɛ cɔɔcɩ cɔlɔ tilimiye kɔyɔ, pamaɣ-ɖɩ se popuzi igoŋgoɖiye nɖɩ paama se pawɩlɩna alɩwaatʊ sɔsɔtʊ natʊyʊ yɔ. Tilimiye nɖɩ pakɩla-ɖɩ sɩm nɛ ɖɩkɩla kɩpɩncaazɩtʊ yɔ, nɖɩ lɛ Jeriko tilimiye. Paama-ɖɩ pɩnzɩ 8300 taa pʊcɔ ɖa-alɩwaatʊ tʊnɛ tɩtalɩ.

Tilima sɔsɔna wena akɩla kʊyʊ yɔ a-taa kɔyɔɔ nɛ awɛ ajɛya anɛ a-taa: Alɛkɩsandiri nɛ kɩwɛ keteŋga kpeekpe taa lona wena akɩla kacʊkasɩ yɔ a-taa; Ɛrɩkuli, kʊkʊ kɩlɩna leɖu nɛ kɩkpɛndɩ kɩwɛɛ halɩ nɛ sɔnɔ; Piizi tilimiye nɖɩ pama-ɖɩ nɛ ihosiye yɔ; Siteasiburi katedirali tilimiye nɖɩ ɖɩkɩla kʊyʊʊ kɛterŋga kpeekpe nɛ pama-ɖɩ nɛ kaaŋ nɛ Ayɩfɛlɩ tilimiye ñaakɩlɩna kʊkʊyɩmɩŋ pɩnzɩ 18890 nɛ 1930 taa.