Ɛsɔ sɛtʋ aŋgba kajalaɣ you tɔm

Ɛsɔ sɛtʊ aŋgba yoŋ tɔm: lakɩŋ fenaɣ 1560 Condé wiyau pɩyalʊ nɛ Antoine de Bourdon, Navarre wiyau panɩna ɖama nɛ powolo wiyau sɔsɔ François II cɔlɔ se ɛha-wɛ nɔmɔʊ nɛ papɩzɩ nɛ palaa kaɣlaa kilaʊ ŋgʊ payaɣ se Protestant yɔ. Pa-naalɛ powobu mbʊ yɔ, pataana se pɩkaɣ-wɛ pɩsɩɣ nabʊyʊ catholika ñɩma cɔlɔ. Kpaagbaa mbʊ lɛ Godefroi de La Renaudie paɣzɩ kɩlaʊ ŋgʊ laʊ ɛlɛ Pierre des Avenelles caŋ ɛlɩɩ ɛ-wayɩ. Protestant waa mba palɩ nɛ pakpaɣ hɔzɩŋ yɔ, ɛzɩ La Renaudie yɔ, patɩɣ pakʊ-wɛ; piyele nɛ mba petenda yɔ, pakpa-wɛ. Pakpaʊ-wɛ mbʊ yʊ, pa-taa sakɩyɛ kaɣ hɩʊ sɩm pe-nesi tɛɛ.

Charles IX ñɩkɩɣ nesi (kɔlaɣ fenaɣ 17, 1562)

You nɛ sɩm kadadayaɣ pɛwɛ mbʊ lɛ, Charles IX ɖoo Catherine de Médicis nɛ chancelier Michel de l’Hospital pacaɣ wiyau yɔɔ nɛ etisi nɛ ɛñɩɣ nesi takayaɣ taa kɛ kɔlaɣ fenaɣ taa kɛ Saint-Germain-en-Laye nɛ ɛha nʊmɔʊ kɛ protestant waa se palaa pa-kɩlaʊ ɛzɩma pɔsɔɔla yɔ. Ɛlɛ lona wena a-taa palawaɣ pa-kɩlaŋ ɛnʊ yɔ, ɛɖaŋga a-yɔɔ. Waɖɛ nɖɩ ɛha-wɛ mbʊ yɔ papazɩ catholika mba pɩkɩlɩna Duc de Guise nɛ ɛtɔyɩtɩ protestant waa kɛ Wassy. Peeɖe pɩpaɣzɩna kacalaɣ ɛsɔ sɛtʊ aŋgba tɛ you.

Kacalaɣ ɛsɔ sɛtʊ aŋgba you kɛ Fransɩɩ ɛjaɖɛ taa (lakɩŋ fenaɣ 1, 1562)

Wassy egeetiye taa kɛ Champagnetɛtʊ taa, Duc de Guise te ɛyaa kʊ Protestant waa 80, ŋgʊ pɛɖɛwaɣ pɛ-tɛ ɛsɔ sɛtʊ. Asɛyʊ ŋgʊ kɩtʊlɩna ɛsɔ sɛtʊ aŋgba you. Lakɩŋ fenaɣ kɩyakʊ hiu ñɩŋgʊ wiye, Huguenots waa ñʊʊdʊ, Louis de Condé kpeɣli ɛ-taabala Protestant waa lalaa nɛ eheyi-wɛ se pakpaɣ hɔzɩŋ nɛ paha Wassy ñɩma nɛ ɛsɛ. You paɣzaa kɛlɛ mbʊ yɔ. kɩkɔŋ kɩhɛ lakɩŋ fenaɣ pɩnaɣ 1563, alɩwaatʊ ndʊ katolika mba nɛ Protestant waa pacakɩ nɛ pañɩ nesi kɛ Amboise tɛtʊ taa se lanhɛwɩyɛ ɛwɛɛ pɛ-hɛkʊ taa yɔ.

Catholika ñɩma wakɩ you kɛ Dreux tɛtʊ taa (saŋgayɩŋ fenaɣ 1562)

Alɩwaatʊ ndʊ you ñɛsɛ ɛsɩyɛ catholika nɛ protestant waa hɛkʊ taa kɛ Dreux tɛtʊ taa mbʊ yɔ lɛ, huguenots waa ñʊʊtʊ prince Louis de Condé wɛ salaka taa kɛ duc de Guise nesi tɛɛ. kpaagbaa mbʊ yɔ Fransɩɩ sɔɔja sɔsɔ Montmorency ñɛwɛ Protestants waa nesi cɩŋ cɩŋ. Ɛzɩma catholika waa kaaakɩla wɛɛ ɖɔʊ ɖɔɖɔ lɛ, paha protestant waa kɛ Dreux tɛtʊ taa. Lakɩŋ fenaɣ 19 pɩnaɣ 1563 catholika mba nɛ protestant waa ñɩʊ nesi kɛ Amboise tɛtʊ taa se laŋhɛzɩyɛ ɛhɛɛ pɛ-hɛkʊ taa lɛ, pɩha nɔmɔʊ se peyele prince de Condé nɛ pɩla ɛsɔ sɛtʊ aŋgba you ŋgʊ kɩsɩɩna mbʊ.