Maurice Ravel
Joseph Maurice Ravel kɛ Fransɩɩ hendu lɩzɩyʊ. Palʊla-ɩ Ciboure lakɩŋ fenaɣ kɩyakʊ 7 pɩnaɣ 1875 alɩwaatʊ taa nɛ ɛsɩ Paarii saŋayɩŋ fenaɣ kɩyakʊ 28 pɩnaɣ 1937 taa.
| Ɖajaa Maurice Ravel | |
[[File: | |
| Informa | |
| Ɛ-ɛjaɖɛ | Fransɩɩ |
| Ɛ-tʋmɩyɛ | Hendu lɩzɩyʋ |
| Ɛ-ɖɩlʋlɩyɛ | Ciboure, Saint-Jean-de-Luz cɔlɔ kpam, Pireenee pɔŋ taa. |
| E-efemiye kɩlʋlɩyɛ | Lakɩŋ fenaɣ kɩyakʊ 7 pɩnaɣ 1875 |
| Ɛ-ɖɩsɩbɩyɛ | Paarii |
| E-efemiye kɩsɩbɩyɛ | Saŋayɩŋ fenaɣ kɩyakʊ 28 pɩnaɣ 1937 |
Pasɩma ɛ-tʊmɩyɛ nɛ wɛtʊ ndɩ ndɩ, Ravel tɛ miziiki ñaŋ cɔlɩɩ tɛ sɔnzɩ nɛ kɩɖaɣlɩ pɩtalɩ lɩzɩtʊ alɩwaatʊ pɩkɔɔ pɩtalɩ pɩnzɩ ɛzɩ hiŋ nanza mbʊ yɔ nɛ kɩpɩsɩ lɛlɛɛyɔ alɩwaatʊ tʊ nɛ Fauré nɛ Debussy ñɩmba yɔ nɛ ɖɔɖɔ Stravinsky nɛ Prokofiev nɛ Bartok ne Gershwin yɔ. Ɛ-tʊma sakɩyɛ tɩŋa ɖama taa soo ɖʊʊ cɛŋa.
Maurice Ravel, palʊla-ɩ lakɩŋ fenaɣ kɩyakʊ 7 pɩnaɣ 1875 alɩwaatʊ taa, Nivelle lɩm pɔɔ nɔɔ yɔ kideŋ kɛ Ciboure, pɩñɔtɩna Saint-Jean-de-Luz tɛ ñɩnʊ cɔlɔ kpam kɛ Pireenee pɔŋ taa. Ɛ-caa kɔyɔ Joseph Ravel (1832-1908), e-liɖe kɛnɛ Suwiisi nɛ savoyard, ɛɛkɛ tambaɣ lɩzɩyʊ sɔsɔ nɛ ɛlakaɣ tʊmɩyɛ koŋ kɛ suluku kpasɩ ɖɩmayɛ taa nɛ lɔɔɖa tʊma sɔsɔna taa nɛ ɛtasɩ walanzɩ Etienne Lenoir lɔŋ yaa lɩmaɣza yɔ pɩlɩna mɩzʊʊ ciduu ñɩɣyʊ. E-ɖoo kɛlɛ Marie Delouart-Ravel (1840-1917), ɛɛkɛ mɩzaɣ yɔɔ halʊ nɛ ɛtɛ kaakɛ nɛ basque kiŋ, ɖooo canaʊ ɛsɩpaañɔlɩ cejewiye kɩbɩnɖɛ naɖɩyɛ taa (Deluarte).
Ɛɛwɛna ɖalʊ nɔɔyʋ, ɛnʊ payaɣ Edouard Ravel (1878-1960), nɛ ɛpɩsɩ tambaɣ lɩzɩyʊ, weyi ɛ-cɔlɔ ɛlaba ɛ-tɛ wezuu caɣʊ tɩŋa yɔ. Mɩsɩkʊm fenaɣ pɩnaɣ 1875 alɩwaatʊ lɛ, Ravel cejewiye wolo ɖɩca mbilim kɛ Paarii tɛtʊ taa. Ɛsɩpañɔlɩ mba cɔlɔ lɛ, pɩɩwɛ se Ravel tɛ miziiki ɛkɛnɛ basque liɖe taa nɛ kɩpɩzɩ kɩtadayɩ, mbʊ piyebina nɛ Ravel tapɩzɩ ɛpɩsɩ basque ajɛyɛ taa pʊcɔ ɛwɛna pɩnzɩ 25.
Pʊwayɩ lɛ, ɛpɩsɩ ɛkɔŋ ɖoŋ ɖoŋ nɛ ɛcakɩ ɛzɩ fenasɩ naalɛ nɔmɔŋ haʊ mbʊ yɔ Saint-Jean-de-Luz tɛ ñɩnʊ taa nɛ pɩcɔlɔ kpɛɣɛ lonaa taa nɛ ɛpɩzɩɣ ɛlakɩ tʊmɩyɛ. Ravel pɩcatʊ wezuu caɣʊ kaawɛ ɖeu. Ɛ-caana kaakeŋaɣ ɛ-cɔlɔ nɛ pɛ-ɛsa kaakula ɖɔɖɔ nɛ paasɩma nesi tɛ ñɩlɩ ñɩlɩ tʊma kɛlɛ peseɣti-ɩ ɛ-kajalaɣ lɩmaɣza taa. Maurice Ravel kapaɣza piyaanoo kpɛlɛkʊʊ lɛ, ɛwɛna pɩnzɩ loɖo yeke. Henry Ghys ɛɛkɛ hendu lɩzɩyʊ nɛ ɛ-cɔlɔ ɛkpɛlɛka 1839-1908).