Prukisɛɛlɩ

Prukisɛɛlɩ kɛna Pɛlɩziki ɛjaɖɛ taa tɛtʊ sʊzɔtʊ nɛ tɩwɛ Prukisɛɛlɩ ɛjaɖɛ hɛkʊ taa ɖeyi ɖeyi. Ɛjaɖɛ nɖɩ ɖɩ-taa maalikanaa ɖɔɔ nɛ sɩtalɩ ɛzɩ maalisi hiu nɛ nakʊ yɔ nɛ sɩ-taa ɛyaa kpɛnda 1.180.000 wayi wayi pɩnzɩ sɩnɛ sɩ-taa.

Broodhuis Prukisɛɛlɩ

Manneken Pis, Prukisɛɛlɩ

Ɖooo pɩnaɣ 1830 lɛ Prukisɛɛlɩ taa ɛyaa kaakpɛnda 98 279 nɛ pohuu pɩsɩɩna pɩnaɣ 1900. Pɩ-tɛ pɩnaɣ ŋga ɛyaa kaatalɩ 183.686. Pɩnzɩ nɛɛlɛ wayɩl lɛ papɩsɩ tibu yɔɔ nɛ ɛyaa wɛɛ 154.801 ɛlɛ kpaagbaa mbʊ pɩnaɣ 1930 lɛ ɛyaa talɩ 200.433. Pɩkpaɣʊ nɛ mbʊ yɔ, tɛtʊ ndʊ tɩ-taa ɛyaa tatasɩ ɖɔʊ paa ñɩɩ nɛ peyele papasɩɣ pasʊʊ yɔɔ pɩkɔɔ pɩtalɩ ɛyaa 133 859 kɛ pɩnaɣ 2000. Pɩnaɣ 2015 taa pakalɩ ɛyaa lɛ, pɔɖɔ pazɩ nɛ pɛwɛ 177 849.

Parlement Européen, Prukisɛɛlɩ

Prukisɛɛlɩ tɛtʊ taa ɛyaa mba pɛwɛna ajɛya lɛɛna taa yɔ pɔɖɔ pɩdɩɩfɛyɩ: Fransɩɩ taa pɛkpɛnda ɛyaa 60 751, Maarɔkɩ taa lɛe 38 297, Rumanii ɛjaɖɛ taa lɛ pɛwɛ 33.399, Itaalii taa lɛ 31.361, Ɛsɩpaañɩ taa lɛ, 27.466. Pɛwɛ ajɛya ndɩ ndɩ taa ɖɔɖɔ. Prukisɛɛlɩ taa ɛyaa ɖɔʊ wɛna ndɩ kpem nɛ ajɛya lɛɛna taa ɛyaa mbʊ pʊyɔɔ yɔ ɛyaa mɩnɩʊ yɔɔ lɛ abalaa kpɛnda 50,77 nɛ halaa ñwɛɛ 49,23. Tɛtʊ tʊnɛ tɩ-walanzɩ landammm taa maɣna kilomɛtanaa 32,61.

Prukisɛɛlɩ nɛ ajɛya naayɛ taa tɛtʊ sʊzɔtʊ yaa kominanaa nabɛyɩ kpɛndɩɣ nɔɔ nɛ palakɩ tʊma kʊɖʊma se piɖena-wɛ camɩyɛ nɛ tɩ-taa kɔyɔ: Atlanta nɛ Wasɩŋtɔŋ (Etaazuni), Pɛrɩlɛɛ nɛ Pɔɔnɩ (Caama), Pireeziiliya (Pireziili), Kazablanka nɛ Naadɔɔrɩ (Maarɔkɩ), Peekɛɛ nɛ Maakao (Siini), Maadiriidi (Ɛsipaañɩ (Espagne)|Ɛsɩpañɩ]]), Alizee (Alizeerii), Kiyɛvɩ (Ukurɛnɩ), Kinsasa (Koŋgoo), Mɔsɩkʊʊ (Rusii), Praagɩ (cɛɛkɩ ɛjaɖɛ taa).