Sotubɔɔ
Sotubɔɔ kɛ Togo ɛjaɖɛ taa maalika nakɛyɛ nɛ kɩwɛ Sogoɖɛyɩ tɛtʊ taa. Sotubɔɔ egeetiye taa tɛtʊ sɔsɔtʊ. Tɛtʊ tʊnɛ tiposina Sɔgɔɖɛyɩ tɛtʊ ɛzɩ kilomɛtanaa 284 yɔ nɛ wayɩ nɛ wayɩ kɩgalʊʊ ŋgʊ pakalaa yɔ, pɩnaɣ 2014, ɛyaa tala ɛzɩ 22 721 yɔ.
Ɛbɛ laba nɛ payaa tɛtʊ tʊnɛ se Sotubɔɔ? Hɩɖɛ ɖɩnɛ ɖɩlɩna peeɖe pɔɔ nakɛyɛ hɩɖɛ yɔɔ. Pɔɔ ŋga kɛwɛ sotu kamaɣ fɛyɩ, mbʊ yebina nɛ payaa peeɖe se Sotubɔɔ: Sotu nɛ pɔɔ pɩlabɩna Sotubɔɔ. Wɩsɩ ɖɩlɩyɛ taa lɛ Haŋgayɩ pɔɔ wɛna.
Tɔmʊʊ nakʊyʊ wɛɛ nɛ kɩɩsɔʊ Sotubɔɔ caanaʊ tɔm taa. Ŋgʊ lɛ se saŋayɩŋ fenaɣ loɖo pɩnaɣ 1965 kɛkpɛtɛsaɣ nakɛyɛ laba maalika ŋga ka-taa, lɔɔɖa naalɛ naayɛ kata ɖama nɛ ayele asʊʊ samaɣ nakɛyɛ taa paaɖɩɩna paʊ nɛ ɛyaa 125 hiu sɩm.