Ñamɛɛ
Ñamɛɛ kɛŋna Nizɛɛrɩ ɛjaɖɛ taa tɛtʊ sʊzɔtʊ nɛ tɩ-wɛ Nizɛɛrɩ Pɔɔ kɔ-yɔɔ nɛ pɩwɛna ɛjaɖɛ nɖɩ nɛ ɖɩ-wɩsɩ ɖɩɖʊyɛ hɔɔlʊʊ taa. Tɛtʊ tʊnɛ pɩnzɩ mɩnɩŋ 19 taa kɛ tɩpaazɩ kɛʊ tɛtʊ sɩŋŋŋ mbʊ pʊ-yɔɔ yɔ ɖooo lɛ pɩɩkɛ haɖaa nabayɛ tɛtʊ nɛ pɩnzɩ 1940 taa lɛ, ɛyaa kaawɛ ɛzɩ mɩnɩʊ ɖeke yɔ.
![](http://upload.wikimedia.org/wikipedia/commons/thumb/3/39/Niamey_SPOT_1101.jpg/220px-Niamey_SPOT_1101.jpg)
Pɩnaɣ 2011 taa pakalɩ kɩgalʊʊ kɛ Ñamɛɛ tɛtʊ taa lɛ, pana se ɛyaa huwaa sɩŋŋŋ nɛ pɛkpɛnda ɛyaa 1 302 910. Pɩlaba mbʊ lɛ, tɛtʊ ndʊ, tiyeba nɛ tɩ-taa ɛyaa ɖɔɔ pɩkɩlɩ t ɛtʊ tɩŋga kɛ Niizɛɛrɩ ɛjaɖɛ kpeekpe taa. Pɩɩkpaɣna mɩnzɛma fenaɣ 24 pɩnaɣ 1988 yɔ, Ñamɛɛ tɛtʊ ndʊ tɩ-taa kominanaa kagbaanzɩ kaawɛna yɔ, piyeba nɛ pɩkpɛndɩ kʊɖʊmɖiyɛ kpayɩ nɛ pɩpɩsɩ Ñamɛɛ komina.
Mbʊ yebina nɛ Ñamɛɛ pɩzɩ nɛ kɩpɩsɩ tɛtʊ sʊzɔtʊ camɩyɛ. Tɛtʊ tʊnɛ tɩ-walanzɩ landammm taa wɛ ɛzɩ ɛkɩtaarɩnaa 25 500 yaa kilomɛtanaa 255. Payaɣ Ñamɛɛ komɩna yɔɔ cɔnɩyʊ kɩfalʊ se Assane Seydou.